Մարդիկ իրենց տները կհանձնեն, կգնան վարձով ապրելու, պետությունը կվճարի վարձ, իսկ վերջում բնակարան կտա․ ՏԵՍԱՆՅՈՒԹ

ՀՀ կառավարությունն այսօրվա նիստում որոշեց պետական բյուջեից մոտ 10 մլրդ դրամ հատկացնել Երևանում հրատապ լուծում պահանջող խնդիրների վերացմանը:
Ինչպես հայտնեց ՀՀ տարածքային կառավարման և ենթակառուցվածքների նախարար Գնել Սանոսյանը, գումարի գրեթե կեսը` 4.7 մլրդ դրամը, ծախսվելու է Երևանում 473 վերելակների փոխարինման համար։

Մնացած գումարով Նոր խարբերդ թաղամասում գազատարի և նոր կոյուղագծի է կառուցվելու, հանգստյան գոտիներ ու այգիներ են հիմնվելու, ճանապարհներ են վերանորոգվելու, ինչպես նաև հիմնանորոգվելու են 5 մանկապարտեզ ու 2 պոլիկլինիկա։

Երևանի փոխքաղաքապետ Տիգրան Ավինյանը հարցի քննարկման ժամանակ հայտնեց, որ 2019-22թթ–ին մայրաքաղաքի բազմաբնակարան շենքերում շուրջ 1000 վերելակ է փոխարինվել, որոնցից 500-ը` 2022թ–ին․ «Այս տարի կրկին 500–ը անցնում ենք, և այս տեմպը պահպանելով` Երևան քաղաքում բոլոր խնդրահարույց վերելակների հարցերը 4 տարվա ընթացքում կարողանալու ենք լուծել»։

որ Նորքում Սուրբ Սարգիս եկեղեցու և Դավիթ Բեկ փողոցի միջնամասում գտնվող այգին կհիմնանորոգվի: «Սա կասկադի կառուցում է լինելու՝ Թամանայանական նախագծի մոտիվներով կասկադի: 1,4 հեկտար տարածք է, էականորեն կանաչապատվելու է այդ հատվածը»,- ասաց փոխքաղաքապետը։

Ավինյանը նաև նշեց, որ Սուրբ Գրիգոր Լուսավորիչ եկեղեցու մոտ շրջակա տարածխքի բարեկարգման աշխտանքներ են իրականացվելու: Այս ծրագրերը քննարկել են նաև Վեհափառի հետ և իրենց համաձայնությունն են ստացել։

Փոխքաղաքապետի խոսքով՝ այս տարի Երևանում հիմնանորոգված հանձնելու ենք 22 մանկապարտեզ, հաջորդ տարի պլանավորում ենք 33 մանկապարտեզ հանձնել շահագործման: Նոր ճանապարհներ ենք կառուցելու, Նորք-Մարաշ վարչական շրջանում Գրիգոր Հովսեփյան փողոցից դեպի Սարալանջ տանող ճանապարհը»,-ասաց փոխքաղաքապետը։

Ավինյանն ընդգծեց, որ հատկացված գումարի շրջանակում լուծվելու է նաև Աջափնյակի Արզումանյան փողոցի երկու վթարային շենքերի բնակիչների վերաբնակեցման հարցը։ Բնակիչներն իրենց բնակարաններն օտարելու են տեղում կառուցապատում իրականացնող ընկերությանը։ Մինչ նոր շենքի կառուցումն ու նոր բնակարանները շահառուներին հանձնելը կառավարությունը ֆինանսավորելու է վարձակալած բնակարանների վարձի արժեքը։

«Մարդիկ իրենց տները կհանձնեն, կգնան վարձով ապրելու, պետությունը կվճարի վարձ, իսկ վերջում բնակարան կտա նոր շենքում»- եզրափակեց Փաշինյանը։

Մանրամասները՝ տեսանյութում։