Տնտեսություն
13.04.2023 | 11:31Գործադիրը լրացումներ ու փոփոխություններ է առաջարկում «Հավատարմագրման մասին» օրենքում ու Վարչական իրավախախտումների վերաբերյալ օրենսգրքում: ՀՀ էկոնոմիկայի նախարար Վահան Քերոբյանը նշել է, որ փաթեթը մշակվել է ԵՄ Թվինինգ ծրագրի շրջանակում. նպատակն է բարեփոխել ՀՀ հավատարմագրման և որակի ենթակառուցվածքների համակարգը: Օրենսդրական դաշտը համապատասխանեցվում է ԵՄ և ԵԱՏՄ օրենսդրական կարգավորումներին: ՀՀ հավատարմագրման ազգային մարմինը կդառնա Եվրոպական հավատարմագրման մարմինների ասոցիացիայի անդամ: Դրանով Հայաստանի Հանրապետությունում հավատարմագրված մարմինների, այսինքն՝ լաբորատորիաների և նմանատիպ այլ կազմակերպությունների տված համապատասխանության փաստաթղթերը կընդունվեն ԵՄ և ԵԱՏՄ կազմակերպությունների կողմից: Նախատեսվում է կարգավորել հավատարմագրման ոլորտում սահմանված հիմնական հասկացությունները:
«Պարոն Քերոբյան չեմ կիսում Ձեր տեսակետը, որ ասում եք՝ 1 տոկոս է կաթնամթերքի արտահանումը և դրա մասին շատ չանհանգստանանք ․ ի վերջո, այդ մեկ տոկոսներով է ձևավորվում 100 տոկոսը»,- դիմելով էկոնոմիկային նախարարին ասաց «Հայաստան» խմբակցության պատգամավոր, ՀՅԴ անդամ Թադևոս Ավետիսյանը։
Պատգամավորի խոսքով՝ որպեսզի տնտեսվարողները խնդրի չբախվեն, չհասնեն ահմանին ու պարզեն, որ չեն կարող իրենց ապրանքն արտահանել, նախարարությունը պետք է կանխարգելման աշխատանքներ տանի՝ վաղ գնահատելով ռիսկերը։
Քերոբյանը վստահեցրեց, որ այն ապրանքները, որոնք ճանապարհին են եղել, տեղ են հասել, քանի որ ապրիլի 5-ից է սկսել գործել «Ռոսսելխոզնադզորի»՝ Հայաստանից Ռուսաստան կաթնամթերքի արտահանման արգելքի որոշումը։
Մենք աշխատում ենք «Ռոսսելխոզնադզորի» հետ, որպեսզի լուծենք հարցը առանց իրավական ճանապարհով առաջ գնալու, խնդրի լուծման համար իրավական ճանապարհով ևս նախատեսում ենք առաջ գնալ»։
Մանրամասները՝ տեսանյութում։
