23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
ՏՏ խոշոր ընկերություններ են եկել Հայաստան, քանի որ ՀՀ-ում բիզնես միջավայրն ավելի լավն է․ Քերոբյան․ ՏԵՍԱՆՅՈՒԹ
Տնտեսություն
13.04.2023 | 11:22
Գործադիրը լրացումներ ու փոփոխություններ է առաջարկում «Հավատարմագրման մասին» օրենքում ու Վարչական իրավախախտումների վերաբերյալ օրենսգրքում:
ՀՀ էկոնոմիկայի նախարար Վահան Քերոբյանը նշեց, որ փաթեթը մշակվել է ԵՄ Թվինինգ ծրագրի շրջանակում. նպատակն է բարեփոխել ՀՀ հավատարմագրման և որակի ենթակառուցվածքների համակարգը: Օրենսդրական դաշտը համապատասխանեցվում է ԵՄ և ԵԱՏՄ օրենսդրական կարգավորումներին:
ՀՀ հավատարմագրման ազգային մարմինը կդառնա Եվրոպական հավատարմագրման մարմինների ասոցիացիայի անդամ: Դրանով Հայաստանի Հանրապետությունում հավատարմագրված մարմինների, այսինքն՝ լաբորատորիաների և նմանատիպ այլ կազմակերպությունների տված համապատասխանության փաստաթղթերը կընդունվեն ԵՄ և ԵԱՏՄ կազմակերպությունների կողմից: Նախատեսվում է կարգավորել հավատարմագրման ոլորտում սահմանված հիմնական հասկացությունները:
ՀՀ հավատարմագրման ազգային մարմնի (ԱՐՄՆԱԲ) կողմից ստեղծվող խորհրդատվական տեխնիկական կոմիտեները գործելու են հասարակական հիմունքներով՝ հավատարմագրման համապատասխանության գնահատմանն առնչվող կոնկրետ տեխնիկական չափանիշների, ուղեցույցների պահանջների մշակման եւ վերլուծության վերաբերյալ խորհրդատվություն տրամադրելու նպատակով:
ԱՐՄՆԱԲ-ի կողմից ստեղծվող հանձնաժողովներն ապահովելու են համապատասխանության գնահատման ոլորտի մասնագետների համար գիտաժողովների, վերապատրաստման եւ որակավորման դասընթացների կազմակերպումը, հավատարմագրման փորձագետների ու գնահատողների որակավորման եւ համապատասխան վկայագրերի շնորհման գործունեությունը: Կոմիտեների եւ հանձնաժողովների կազմն ու գործունեության կարգը հաստատվելու է Հավատարմագրման ազգային մարմնի ղեկավարի հրամանով:
Համապատասխանության գնահատման մարմինների հավատարմագրման եւ վերահավատարմագրման ժամկետ է սահմանվում չորս տարի: Սահմանվել են նաեւ հավատարմագրման կասեցման ու դադարեցման հիմքերը:
Կառավարությանը վերապահվել է հավատարմագրված համապատասխանության գնահատման մարմիններին ԵԱՏՄ համապատասխանության գնահատման մարմինների միասնական ռեեստրի ազգային մասում ներառելու կամ հանելու վերաբերյալ հավատարմագրման կոմիտեի կողմից կայացրած որոշումների ընդունման կարգը հաստատելու իրավասություն:
Վահան Քերոբյանը տեղեկացրեց, որ այժմ Հայաստանում գործում են շուրջ 70 համապատասխանության գնահատման մարմիններ:
Նախարարը նաև հավեց, որ ՏՏ խոշոր ընկերություններ են եկել Հայաստան, քանի որ ՀՀ-ում բիզնես միջավայրն ավելի լավն է, քան տարածաշրջանի այլ երկրներում։
Մանրամասները՝ տեսանյութում։
