Տեսանյութեր
13.04.2023 | 11:20«Ժամանակին մեր սեղաններին դրված էին հայկական արտադրության նեթբուքեր, նկատի ունեմ մեկ-մեկուկես տարի առաջ։ Միջին որակի չինական նեթբուքերից ոչ վատ նեթբուքեր էին։ Հիմա այդ նեթբուքերն արտադրող ընկերությունը կա՞, թե չկա՞»,- Ազգային ժողովում դիմելով ԲՏԱ փոխնախարար Դավիթ Սահակյանին՝ այս հարցն ուղղեց «Հայաստան» խմբակցության պատգամավոր Արթուր Խաչատրյանը։
«Դրանց փոխարեն մեզ բաժանվեցին «Սամսունգ» պլանշետներ, որոնք մեր սեղաններին հիմա չկան։ Հայկական արտադրության պլանշետներ արտադրող ընկերությունը կա՞, թե՞ չկա։
Այն բարձր տեխնոլոգիական ընկերությունը, որը պետք է արտադրեր » «Հովհաննես Ադամյան» հեռուստացույցները, կա՞, թե՞ չկա։
Ընդհանրապես ՀՀ-ում ԲՏԱ ոլորտի ընկերություն կա՞, որը վերջերս է ստեղծվել և գոնե 100 աշխատող ունի»,- հետաքրքրվեց պատգամավորը։
Նշենք, որ ՀՀ բարձր տեխնոլոգիական արդյունաբերության նախարարի տեղակալ Դավիթ Սահակյանն այսօր ԱԺ-ում առաջին ընթերցմամբ քննարկման ներկայացրեց ««Փոստային կապի մասին» օրենքում փոփոխություններ և լրացումներ կատարելու մասին» և ««Փաստաթղթերի հատուկ առաքման մասին» օրենքում փոփոխություն կատարելու մասին» օրենսդրական նախաձեռնությունը:
Մանրամասները՝ տեսանյութում։
