19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Պենտագոնը կրճատում է գաղտնի փաստաթղթերին հասանելիություն ունեցող անձանց թիվն արտահոսքից հետո
Քաղաքականություն
12.04.2023 | 15:15
Պենտագոնը կրճատում է գաղտնի փաստաթղթերին հասանելիություն ունեցող աշխատակիցների թիվը պաշտպանության նախարարության և ԱՄՆ հետախուզական ծառայությունների տվյալների լայնածավալ արտահոսքից հետո։ Այս մասին երեքշաբթի հայտնել է CBS հեռուստաալիքը։
Ըստ այդ տեղեկությունների՝ ապրիլի 7-ից զգալիորեն կրճատվել է այն աշխատակիցների թիվը, որոնք պարբերաբար թարմացումներ են ստանում գաղտնի տեղեկատվություն ունեցող փաստաթղթերի վերաբերյալ։ Մինչ արտահոսքը մոտ հազար մարդու հասանելի է եղել նման բնույթի տեղեկատվության։ Հստակեցվում է, որ համացանցում հայտնված փաստաթղթերը գունավոր տպագրություններ են՝ տեքստով, գրաֆիկաներով կամ քարտեզներով, որոնք, ըստ երևույթին, ծալվել են, ապա բացվել, լուսանկարվել և տեղադրվել համացանցում։ Իրավիճակին ծանոթ պաշտոնյայի խոսքով՝ ԱՄՆ կառավարության գրասենյակների ոչ բոլոր տպիչներն ունեն գաղտնի փաստաթղթեր տպելու հնարավորություն: Սարքերը, որոնցից տպագրությունը թույլատրվում է, գրանցվում են նախքան այն սկսելը և ստանում առանձին ID: Այս ամենը հաշվի առնելով՝ հետաքննության համար ավելի հեշտ կլինի բացահայտել արտահոսքի աղբյուրը։
Ինչպես հայտնում են ամերիկյան ԶԼՄ-ները, Պենտագոնը և ԱՄՆ արդարադատության նախարարությունը հետաքննություն են սկսել՝ կապված Վաշինգտոնի և ՆԱՏՕ-ի կողմից ուկրաինական զինված ուժերին հակահարձակման նախապատրաստելու պլանների հետ կապված գաղտնի փաստաթղթերի արտահոսքի հետ։ Զենքի մատակարարման ժամանակացույցի և զորքերի քանակի վերաբերյալ տվյալներ բացահայտող բազմաթիվ նյութեր հրապարակվել են, մասնավորապես, Twitter-ում և Telegram-ում։
