05.11.2024 | 11:45
Մենք աջակցում ենք հարաբերություններում նոր էջ բացելու՝ Ադրբեջանի և Հայաստանի ձգտումներին. Տոկաև
Համաշխարհային օվկիանոսի մակերևույթին ջերմաստիճանը հասել է ռեկորդային մակարդակի
Քաղաքականություն
11.04.2023 | 17:56
Համաշխարհային օվկիանոսի մակերևույթին ջերմաստիճանը հասել է արբանյակային դիտարկումների սկզբից ի վեր իր պատմական առավելագույնին: Այս մասին հայտնում է The Guardian-ը։ Ըստ կլիմայագետների՝ այս տարվա ապրիլի սկզբից օվկիանոսի մակերևույթին միջին ջերմաստիճանը կազմել է 21,1 աստիճան ըստ Ցելսիուսի, ինչը 0,1 °C-ով ավելի է 2016 թվականին գրանցված ռեկորդային ցուցանիշից։
Լա-Նինյա հոսանքը, որն առաջացել էր Խաղաղ օվկիանոսի հարավային մասում 2020-ին, օգնում էր նվազեցնել համաշխարհային օվկիանոսի ջերմաստիճանը։ Քամին տաք հոսանքները քշում էր ափերից, խորքերից բարձրանում էր սառը ջուրը, ինչն հանգեցնում էր հովացման։ Սակայն գիտնականները հայտնում են, որ այժմ ջերմաստիճանը բարձրանում է օվկիանոսի մակերևույթին, մատնանշելով այս տարեվերջին Խաղաղ օվկիանոսի տրոպիկական հատվածում Էլ-Նինիոյի հնարավոր առաջացումը։
Նշվում է, որ ջրի մակերևույթի ջերմաստիճանի բարձրացումը կարող է մեծացնել եղանակային անոմալիաների առաջացումը՝ փոթորիկներ, սառցաբեկորների հալեցում, ինչը կհանգեցնի համաշխարհային ծովի մակարդակի բարձրացման։ Արագ տաքացումը կարող է նաև կործանարար լինել ծովային կենդանիների և մարջանախութերի համար:
Տաթև Ֆռանգյան
