15.12.2025 | 12:31
ՖԻՖԱ․ Ֆուտզալի Հայաստանի հավաքականը նահանջել է դասակարգման աղյուսակում
ՌԴ Պետդուման կարգելի երկիրը լքել բոլոր նրանց, ովքեր ծանուցագիր են ստացել և չեն ներկայացել զինկոմիսարիատ
Քաղաքականություն
11.04.2023 | 15:55
ՌԴ-ում ռազմական հաշվառման մասին նոր լրացումները նախատեսում են երկրից ելքի արգելք բոլոր ծանուցագիր ստացածների համար։ Այս մասին ասված է փաստաթղթում, որը հրապարակվել է Պետդումայի գործունեության օրենսդրական բազայում, գրում է BBC-ի ռուսական ծառայւթյունը։
«Քաղաքացիներին, որոնք ենթակա են զինվորական ծառայության ու զինկոմիսարիատներից ծանուցագիր են ստացել, այն օրից, երբ դաշնային օրենքի համաձայն նման ծանուցագիրը համարվում է հանձնված, արգելվում է ՌԴ-ից ելքը։ Նշված սահմանափակումն ուժի մեջ է մինչև զինկոմիսարիատ ներկայանալու պարտավորության կատարումը»,- ասված է օրինագծում։
Փոփոխությունները ներկայացրել են Դումայի բոլոր հինգ խմբակցությունների ներկայացուցիչները։ Երեքշաբթի օրը Պետդուման դրանք կընդունի երկրորդ և երրորդ ընթերցմամբ։
Ավելի վաղ հայտնի է դարձել, որ ծանուցագիրը կհամարվի ստացված այն պահից, երբ դրա էլեկտրոնային պատճենը կտեղադրվի Պետական ծառայությունների «անձնական հաշվում»։ Այս մասին հայտարարել է Պետդումայի պաշտպանության կոմիտեի ղեկավար Անդրեյ Կարտապոլովը՝ մեկնաբանելով նոր փոփոխությունները։
