16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
ՀՀ սահմանը հատած ադրբեջանցուն դեռ չեն գտել
11.04.2023 | 10:47
Հայաստանի սահմանը հատած ադրբեջանցի զինվորը դեռ չի գտնվել։ Պաշտպանության նախարարության մամուլի խոսնակ Արամ Թորոսյանը Factor.am-ի հետ զրույցում ասաց, որ նորության դեպքում պաշտոնական հաղորդագրություն կտարածեն։
Հիշեցնենք՝ ապրիլի 10-ին՝ ժամը 01։00-ից 02։00-ի սահմանում, Հայաստանի տարածքում ադրբեջանցի զինծառայող էր հայտնաբերվել և ձերբակալվել։ Ձերբակալվածը հայտնել էր, որ իր հետ եղել է ևս մի զինվոր։ ՊՆ-ն տեղեկացրել էր, որ որոնողական աշխատանքներ են ընթանում՝ առանց այլ մանրամասներ հայտնելու։
Ավելի վաղ Ադրբեջանի ՊՆ-ն հաղորդել էր, որ Նախիջևանի Ինքնավար Հանրապետությունում ադրբեջանական բանակի զինծառայողներ են անհետացել։ Ըստ հաղորդագրության՝ բանակի երկու զինծառայողներ մոլորվել են ոչ բարենպաստ եղանակային պայմանների պատճառով Շահբուզի շրջանի ուղղությամբ։
Սոցցանցերի ադրբեջանական տիրույթում տեղեկություններ են հայտնում Նախիջևանից անհետացած ու ՀՀ տարածքում հայտնված ադրբեջանցի զինծառայողների մասին։ Meydan TV-ի լրագրող Հաբիբ Մյունթեզիրը սոցիալական ցանցերի իր էջերում գրել էր, որ ադրբեջանցի զինծառայողները «իրականում կորած են արդեն 5 օր»։ Նա հրապարակել էր նաև զինծառայողների ինքնությունը՝ Բաքվի Սուրախանի շրջանի բնակիչ Աքշին Քաբիլ օղլու Բաբիրով և Լենքորանի բնակիչ Հուսեյն Ահլիման օղլու Ախունդով։
Արփի Հակոբյան
