24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ֆիլիպիններն ու ԱՄՆ-ը կանցկացնեն իրենց պատմության մեջ ամենամեծ համատեղ զորավարժությունը
Քաղաքականություն
10.04.2023 | 21:14
Թայվանի նեղուցում Չինաստանի ռազմական ակտիվության ֆոնին Ֆիլիպիններն ու ԱՄՆ-ը կանցկացնեն երկու երկրների պատմության մեջ ամենախոշոր համատեղ զորավարժությունները։ Այս մասին ապրիլի 10-ին հայտնել է The Star թերթ-ը։
Նշվում է, որ ապրիլի 11-ին մեկնարկող «Բալիկատան» զորավարժություններին կներգրավվի ավելի քան 17 հազար զինվորական՝ 5 հազար ֆիլիպինցի, 12 հազար ամերիկացի և 111 ավստրալիացի։
Այս տարի զորավարժությունների մասնակիցների թիվը գրեթե երկու անգամ ավելի է, քան նախորդ տարի, ընդգծել է հրատարակությունը։ Վարժանքները կտևեն 18 օր և կզբաղեցնեն բավականին մեծ տարածք։
Ավելի վաղ Չինաստանը հայտարարել էր Թայվանի նեղուցում, ինչպես նաև կղզու հյուսիսում, հարավում և արևելքում գտնվող ջրերում եռօրյա զորավարժություններ անցկացնելու մասին։ Չինաստանը զորավարժություններ անցկացնելու մասին հայտարարել էր այն բանից հետո,երբ Թայվանի նախագահ Ցայ Ինվենին մեկնել էր ԱՄՆ, որտեղ հանդիպել էր ներկայացուցիչների պալատի խոսնակ Քևին Մաքքարթիի հետ։
