17.05.2026 | 15:20
Քարոզարշավի 10-րդ օրն ունենք 1 զոհ, 10 ձերբակալված, բազմաթիվ քրեական գործեր․ Ագնեսա Խամոյան․ ՏԵՍԱՆՅՈւԹ
Փհենյանն արդեն չորրորդ օրն է՝ չի արձագանքում միջկորեական հաղորդակցության ալիքով
Քաղաքականություն
10.04.2023 | 17:43
Հարավային Կորեան արդեն չորս օր է չի կարողանում կապ հաստատել ԿԺԴՀ-ի հետ միջկորեական կապի ալիքի և ռազմական թեժ գծի միջոցով, երկուշաբթի հաղորդել է Yonhap լրատվական գործակալությունը:
Երկու Կորեաների միավորման նախարարության տվյալներով՝ երկուշաբթի առավոտյան ժամը 9-ին հյուսիսասյին կողմը հեռախոսազանգին չի պատասխանել: Նշվում է, որ Հարավի զանգերն անպատասխան են մնում ուրբաթ առավոտից։ Հարավային Կորեայի պաշտպանության նախարարությունը ևս հայտարարել է, որ չորս օր շարունակ Փհենյանի թեժ ռազմական գծի հետ կապ չի եղել։ Գործակալությունը հիշեցնում է, որ երկու Կորեաները հեռախոսազրույց են ունենում օրական երկու անգամ՝ 9:00-ին և 17:00-ին։
Թե ինչու է Հյուսիսը հրաժարվում զանգերին պատասխանել, պատճառը հայտնի չէ, սակայն ենթադրվում է, որ Փհենյանը միտումնավոր անպատասխան է թողնում Սեուլի զանգերը՝ ի նշան բողոքի Հարավային Կորեայի և ԱՄՆ-ի համատեղ զորավարժությունների դեմ։
Տաթև Ֆռանգյան
