05.11.2024 | 12:09
ԱԳՆ-ն հաստատում է՝ Ադրբեջանի դեսպանը սպառնացել է ՀՀ դեսպանին, Կիևը պատրաստ է Մոսկվայի հետ բանակցել. ԼՈՒՐԵՐ
Բլինքենը հայտնել է, թե երբ կսկսվի Ուկրաինայի հակագրոհը
Քաղաքականություն
07.04.2023 | 14:44
Ուկրաինայի հակագրոհը կսկսվի մոտակա շաբաթների ընթացքում։ Այս մասին հայտարարել է ԱՄՆ պետքարտուղար Էնթոնի Բլինքենը Funke մեդիախմբին, փոխանցում է BBC-ի ռուսական ծառայությունը։
Նրա խոսքով՝ արևմտյան երկրները, որոնք աջակցում են Կիևին, ձևավորել են երկու նպատակ ուկրաինական հակամարտության կարգավորման հարցում։
«Առաջինը՝ հնարավոր ամեն ինչ պետք է արվի, որպեսզի օգնենք Ուկրաինային հետ գրավել տարածքները, ներառյալ հակահարձակումը, որը սպասվում է առաջիկա շաբաթներին, բայց երկրորդ նպատակն է՝ օգնել Ուկրաինային կառուցել իր միջնաժամկետ և երկարաժամկետ հնարավորությունները»,- մանրամասնել է Բլինքենը:
Նա նաև հավելել է, որ քանի դեռ ռուսական ագրեսիան շարունակվում է, արևմտյան երկրները «կպահպանեն աննախադեպ ճնշումը պատժամիջոցների և արտահանման նկատմամբ»:
Տաթև Ֆռանգյան
