17.05.2026 | 10:37
UFC. Հայտնի է Քոնոր Մաքգրեգորի հաջորդ մրցակիցն ու մենամարտի օրը
Արդեն 50 շաբաթ շարունակվող ռուս-բելառուսական զորավարժությունները կրկին երկարաձգվել են
Քաղաքականություն
07.04.2023 | 16:08
Բելառուսի զորավարժարաններում Մոսկվայի և Մինսկի Զինված ուժերի զորավարժությունները շարունակվում են արդեն 50 շաբաթ։ Այժմ դրանք երկարաձգվել են առնվազն մինչև ապրիլի 17-ը։ Այս մասին հայտնում է «Բելառուսական գայուն» մոնիթորինգային խումբը՝ վկայակոչելով զորավարժությունների ժամանակացույցը։
Որոշ զորավարժարաններում ապրիլի 8-9-ը կլինեն հանգստյան օրեր, իսկ մյուսները, որտեղ կենտրոնացած են ռուսները, շարունակում են աշխատել առանց հանգստի՝ Օսիպովիչսկին, Դոմանովոն, Լեպելսկին և Օբուզ-Լիսնիվսկին:
«Սա բելառուսական զորավարժարաններում ևս մեկ շաբաթով զորավարժությունների հերթական երկարաձգումն է, որոնք անդադադար շարունակվում են 2022 թվականի ապրիլի 29-ից։ Երկարաձգումների ընդհանուր թիվը կազմել է 50 շաբաթ։ Բելառուսի Հանրապետության զինված ուժերը կատարելագործում են իրենց հմտությունները, ավելի պատրաստված են պաշտպանությանը, սակայն իրական մարտական փորձի բացակայության պատճառով դեռևս պատրաստ չեն հարձակողական գործողությունների»,- մեկնաբանում է աղբյուրը։
Տաթև Ֆռանգյան
