25.11.2024 | 10:18
Վրաստանի խորհրդարանում գործարկվել է անվտանգության դեղին մակարդակ
Լիբանանի տարածքից հրթիռակոծությունից հետո Իսրայելի վարչապետը ռազմաքաղաքական կաբինետի նիստ է հրավիրել
Քաղաքականություն
06.04.2023 | 20:19
Իսրայելի վարչապետի աշխատակազմը հայտնում է, որ վարչապետ Բենիամին Նեթանյահուն որոշել է այսօր երեկոյան ռազմաքաղաքական կաբինետի նիստ գումարել՝ երկրի հյուսիսում տիրող իրավիճակը գնահատելու համար, գրում է Newsru.co.il-ը։
Հանդիպմանը կքննարկվեն նաև Իսրայելի անվտանգությանն առնչվող այլ հարցեր։
Հիշեցնենք, որ ավելի վաղ Իսրայելի պաշտպանության բանակի մամուլի ծառայությունը հայտնել էր, որ օգոստոսի 6-ին Լիբանանից Իսրայելի ուղղությամբ արձակվել է 34 հրթիռ։ «Երկաթե գմբեթ» հակահրթիռային պաշտպանության համակարգը որսացել է 25 հրթիռ, 5-ն ընկել է Իսրայելի տարածքում, այս պահին ճշտվում է ևս 4 հրթիռի ընկնելու վայրը։
Միաժամանակ, մամուլի ծառայությունից նշում են, որ այս տվյալները վերջնական չեն։
Իսրայելը մարտական ինքնաթիռներ է բարձրացրել երկինք։
Վերջին անգամ Իսրայելի տարածքը Լիբանանի տարածքից նման գնդակոծության է ենթարկվել 2021 թվականի օգոստոսին։ Այն ժամանակ արձակվել էր ավելի քան 20 հրթիռ։
Տաթև Ֆռանգյան
