16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Քենեդի-կրտսերը Ջո Բայդենի հետ կմրցի ԱՄՆ նախագահի պաշտոնի համար
Քաղաքականություն
06.04.2023 | 16:56
Ռոբերտ Քենեդի-կրտսերը փաստաթղթեր է ներկայացրել 2024 թվականին Դեմոկրատական կուսակցության կողմից ԱՄՆ նախագահական ընտրություններին մասնակցելու համար, գրում է BBC-ի ռուսական ծառայությունը:
69-ամյա Քենեդի-կրտսերը սպանված սենատոր Ռոբերտ Քենեդիի որդին է՝ նախագահ Ջոն Քենեդիի եղբորորդին, որը նույնպես մահացել է մահափորձի արդյունքում։
Նախագահի պոտենցիալ թեկնածուի փաստաթղթերի գրանցումը չորեքշաբթի հաստատել է նրա նախընտրական արշավի գանձապահ Ջոն Սալիվանը։
Մասնագիտության իրավաբան Քենեդին հայտնի է որպես ջերմեռանդ բնապահպան և պատվաստումների հակառակորդ: 2021 թվականին Instagram-ը ջնջել է նրա օգտահաշիվը՝ բացատրելով, որ «բազմիցս կեղծ հայտարարություններ են տարածվել դրանվ»։
Նախագահի թեկնածու ընտրելու համար Դեմոկրատական և Հանրապետական կուսակցություններն անցկացնում են ներքին ընտրություններ՝ փրայմերիզ։ Քենեդին դեմոկրատների թեկնածուների շրջանում նոր կերպար է, և նրա շանսերն այնքան էլ բարձր չեն գնահատվում։
ԱՄՆ նախագահ Ջո Բայդենը բազմիցս նշել է, որ առաջադրվելու է երկրորդ ժամկետի համար՝ չնայած դեռևս պաշտոնապես չի հայտարարել իր թեկնածությունն առաջադրելու մասին։ Նա ընտրապայքարի մեջ պետք է մտներ ապրիլի սկզբին, սակայն, ըստ նրա օգնականների, որոշվել է հետաձգել քարոզարշավի մեկնարկը։
Տաթև Ֆռանգյան
