05.11.2024 | 14:55
Գյումրիի իշխող ուժը հրաժարական է տվել, որովհետև քաղաքականությամբ չեն ուզում զբաղվել․ Շիրակի մարզպետ․ ՏԵՍԱՆՅՈՒԹ
Պեսկովը հայտնել է, որ Պուտինը Մոսկվայում հանդիպել է Էրդողանի գլխավոր խորհրդականին
Քաղաքականություն
06.04.2023 | 16:09
Կրեմլի խոսնակ Դմիտրի Պեսկովը հաստատել է, որ ՌԴ նախագահ Վլադիմիր Պուտինը հանդիպել է Թուրքիայի նախագահի խոսնակ, գլխավոր խորհրդական Իբրահիմ Քալընի հետ, գրում է ՏԱՍՍ-ը։
«Իսկապես, նման հանդիպում եղել է»,- լրագրողների հետ զրույցում ասել է Պեսկովը՝ մեկնաբանելով տեղեկություններն այն մասին, որ Քալընը Մոսկվայում անձամբ է հանդիպել ՌԴ նախագահի հետ և քննարկել «Աքքույու» ատոմակայանի շուրջ համագործակցության հարցեր։
Պեսկովը պատմել է, որ հանդիպմանը «քննարկվել է խոշոր նախագծերի իրականացման թեման, որոնք օրակարգում են, այդ թվում՝ «Աքքույու»-ն»։
«Խոսել են այն մասին, թե ինչպես պետք է նշել և անցկացնել վառելիքի բեռնման արարողությունը։ Ինչպես ավելի վաղ ասել էինք՝ Ռուսաստանը պատշաճ կերպով կմասնակցի արարողությանը»,- ասել է Կրեմլի խոսնակը։
Հավելենք, որ Քալընը նախօրեին հայտարարել էր, որ Մոսկվայում անձամբ հանդիպել է Վլադիմիր Պուտինի հետ։ Նրա խոսքով՝ Ռուսաստանի ղեկավարին է փոխանցել Թուրքիայի նախագահ Ռեջեփ Թայիփ Էրդողանի ուղերձները, իսկ զրույցի ընթացքում շոշափվել են Ուկրաինայի թեմաներն ու «Աքքույու»-ի վառելիքի բեռնման արարողությունը։ Քալընը նաև ասել է, որ ՌԴ ղեկավարի կողմից նույնպես Էրդողանին ուղղված ուղերձներ են եղել։
Հիշեցնենք, որ Էրդողանն ավելի վաղ հայտնել էր, որ չի բացառվում ապրիլի 27-ին Պուտինի այցը Թուրքիա՝ «Աքքույու» ԱԷԿ-ի միջուկային վառելիքի բեռնման արարողությանը։
Էմմա Չոբանյան
