02.02.2026 | 20:27
«Իմ կյանքը վտանգված է». ՀՀ-ի հետ կապերի համար Բաքվում դատապարտված ադրբեջանցի ակտիվիստի ահազանգը
Էրդողանը հայտարարել է, որ Իսրայելը հատել է «կարմիր գիծը»
Քաղաքականություն
06.04.2023 | 14:09
Թուրքիայի նախագահ Ռեջեփ Թայիփ Էրդողանը խստորեն դատապարտել Իսրայելի կողմից Ալ-Աքսա մզկիթի մոտ իրականացված հարձակումները, գրում է Անադոլու գործակալությունը։
«Ցանկանում եմ տխրություն և զայրույթ արտահայտել։ Թուրքիան չի կարող լուռ մնալ հարձակումների հետ կապված։ Ալ-Աքսա մզկիթ հասնելը և Հարամ ալ-Շարիֆի սրբությունը ոտնահարելը մեր կարմիր գիծն է»,- ասել է Էրդողանն Անկարայում իֆթարից հետո։
Նրա խոսքերը հնչում են այն բանից հետո, երբ լարվածության սրման հետևանքով իսրայելական ոստիկանությունն Ալ-Աքսա մզկիթի համալիրի մոտից ձերբակալել է շուրջ 350 հավատացյալների:
«Ես դատապարտում եմ մզկիթի մոտ կատարված ստոր գործողությունները և կոչ եմ անում հնարավորինս շուտ դադարեցնել հարձակումները»,- ասել է Էրդողանը։
Թուրքիայի ղեկավարը հավելել է, որ Պաղեստինի ժողովուրդը միայնակ չէ։
Էմմա Չոբանյան
