25.11.2024 | 11:29
Մարդիկ տեղյակ չեն, որ դա ներդրում է, և գումար է ավելանում․ պատգամավորը՝ կուտակային կենսաթոշակի մասին․ ՏԵՍԱՆՅՈՒԹ
Բուլղարիան փակում է բոլոր նավահանգիստները ռուսական նավերի համար
Քաղաքականություն
06.04.2023 | 11:27
Բուլղարիայի իշխանությունները պատժամիջոցների կիրառման վերաբերյալ ԵՄ կարգադրության շրջանակներում որոշել են փակել երկրի բոլոր նավահանգիստները ռուսական նավերի համար։ Հաղորդում է PortSEurope-ը: Արգելքն ուժի մեջ կմտնի ապրիլի 8-ից և կտարածվի այն նավերի վրա, որոնք գրանցված են ՌԴ նավերի ծովային ռեգիստրում։
Դեռևս 2022 թվականի ապրիլի 17-ին Բուլղարիան արգելել էր իր նավահանգիստներ մուտք գործել Ռուսաստանի Դաշնության դրոշի ներքո նավարկող նավերին։ Այս միջոցը նախատեսված էր ԵՄ պատժամիջոցների հինգերորդ փաթեթով։ Այժմ արգելքը ընդլայնվում է` ներառելով այլ երկրների դրոշներով նավարկվող ռուսական նավերը:
Հիշեցնենք, որ Բուլղարիայի պաշտպանության նախարարությունն իր զեկույցում Ռուսաստանի Դաշնության ռազմական ագրեսիան ճանաչել է որպես համաշխարհային խաղաղության ամենաանմիջական սպառնալիք և հայտարարել է, որ ռուսական բանակը համակարգված ռազմական հանցագործություններ է կատարում Ուկրաինայում։ Այդուհանդերձ, պաշտոնական Սոֆիան հայտարարել էր, որ ստիպված է մասամբ հրաժարվել Ռուսաստանի Դաշնության դեմ պատժամիջոցներից։
