25.11.2024 | 10:55
Վիլնյուսում բեռնատար ինքնաթիռն ընկել է բնակելի տան վրա
Իսրայելի ոստիկանությունն Ալ-Աքսա մզկիթում 350 մարդու է ձերբակալել
Քաղաքականություն
05.04.2023 | 14:35
Երուսաղեմի Ալ-Աքսա մզկիթում առնվազն 350 մարդ է ձերբակալվել, հայտնում է Agence France-Presse-ը՝ վկայակոչելով իսրայելական ոստիկանությանը։
«Ավելի քան 350 մարդ է ձերբակալվել Երուսաղեմի Ալ-Աքսա համալիրում»,- ասվում է հաղորդագրության մեջ։
Ավելի վաղ պաղեստինյան ԶԼՄ-ները գրել էին, որ տասնյակ պաղեստինցիներ վիրավորվել են Երուսաղեմի Ալ-Աքսա մզկիթում Իսրայելի անվտանգության ուժերի հետ բախումների ժամանակ։
Պաղեստինցի բանտարկյալների հարցերով կոմիտեի ներկայացուցիչ Ռիադ ալ-Աշքարը լրագրողներին հայտնել է, որ Իսրայելն Ալ-Աքսայում իրականացված արշավանքի արդյունքում ավելի քան 200 պաղեստինցու է ձերբակալել։ Իսրայելի գործողություններն արդեն դատապարտվել են Հորդանանի և Եգիպտոսի կողմից։
Մարտին Պաղեստինը և Իսրայելը Եգիպտոսի Շարմ էլ-Շեյխում անվտանգության հարցերով հանդիպման ժամանակ պայմանավորվել են ստեղծել բռնության դեմ պայքարի մեխանիզմ: Եգիպտոսում տեղի ունեցած հանդիպումը նման ձևաչափով երկրորդն էր վերջին շրջանում։
Տաթև Ֆռանգյան
