18.12.2025 | 23:24
ՀՀ տարածքում ավտոճանապարհները հիմնականում անցանելի են
ՆԱՏՕ-ի գլխավոր քարտուղարը վստահ է դաշինք Շվեդիայի մոտալուտ ընդունման հարցում
Քաղաքականություն
04.04.2023 | 18:54
Հյուսիսատլանտյան դաշինքը կանի հնարավոր ամեն ինչ, որպեսզի Ֆինլանդիայից հետո Շվեդիան ևս դառնա ՆԱՏՕ-ի լիիրավ անդամ։ Այս մասին հայտարարել է կազմակերպության գլխավոր քարտուղար Յենս Ստոլտենբերգը, գրում է DW-ի ռուսական ծառայությունը։
«Վստահ եմ, որ դա տեղի կունենա»,- ասել է նա Բրյուսելում ՆԱՏՕ-ի արտգործնախարարների հանդիպումից առաջ, որի ժամանակ տեղի է ունեցել Ֆինլանդիայի՝ դաշինք մտնելու հանդիսավոր արարողությունը։
Այսպիսով, Ֆինլանդիան դառում է ՆԱՏՕ-ի 31-րդ անդամը։
Ստոլտենբերգն ավելի վաղ հայտարարել էր, որ Շվեդիայի անդամակցությունը ՆԱՏՕ-ին կարող է տևել շաբաթներ կամ ամիսներ: Մինչ այժմ Ստոկհելմի անդամակցության հայտը չեն վավերացրել դաշինքի երկու անդամներ՝ Հունգարիան և Թուրքիան։
Տաթև Ֆռանգյան
