24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ՆԱՏՕ-ին Ֆինլանդիայի անդամակցությունը «պատմական օր» է․ Բլինքեն
Քաղաքականություն
04.04.2023 | 18:05
Ֆինլանդիան այսօր պաշտոնապես միացել է ՆԱՏՕ-ին՝ Բրյուսելում դաշինքի կենտրոնակայանում փաստաթղթային ձևակերպումների ավարտից հետո, գրում է The National news-ը։
Ֆինլանդիայի արտաքին գործերի նախարար Պեկկա Հաավիստոն իր երկրի՝ ՆԱՏՕ-ին միանալու փաստաթղթերը փոխանցել է ԱՄՆ պետքարտուղար Էնթոնի Բլինքենին՝ ՆԱՏՕ-ի հիմնադիր պայմանագրի պահապանին:
«Միանալու այս փաստաթուղթը ստանալուց հետո այժմ կարող ենք հայտարարել, որ Ֆինլանդիան Հյուսիսատլանտյան պայմանագրի 31-րդ անդամն է»,- ասել է Բլինքենը։
Փաստաթղթի հանձնումը նշանավորել է Ֆինլանդիայի՝ ՆԱՏՕ-ի 31-րդ անդամը դառնալու պահը․ իրադարձություն, որը համընկնում է դաշինքի 74-ամյակի հետ:
«Սա իսկապես պատմական օր է»,- ասել է Բլինքենը լրագրողների հետ զրույցում։
Ֆինլանդիայի դրոշը շուտով բարձրացվելու է մյուս դաշնակիցների դրոշների կողքին։
Էմմա Չոբանյան
