27.11.2024 | 10:16
Դոլարն ու եվրոն արժևորվել են, ռուբլին՝ արժեզրկվել․ արտարժույթների փոխարժեքները՝ նոյեմբերի 27-ի դրությամբ
Ֆինլանդիան պաշտոնապես դարձավ ՆԱՏՕ-ի անդամ
Քաղաքականություն
04.04.2023 | 16:23
Ֆինլանդիան պաշտոնապես միացել է ՆԱՏՕ-ին, Twitter-ի իր էջում գրել է Լեհաստանի վարչապետ Մատեուշ Մորավիեցկին։
«Այսօրվանից դաշինքը ներառում է 31 երկիր։ Ուժեղ գործընկերներն ապահովում են Լեհաստանի, մեր տարածաշրջանի և ամբողջ աշխարհի անվտանգությունը»,- ասել է նա։
Ավելի ուշ ֆիննական Yle հեռարձակող ընկերությունը հայտնել է, որ երկրի արտգործնախարարը փաստաթուղթ է ստորագրել Հյուսիսատլանտյան դաշինքին միանալու մասին։
ՆԱՏՕ-ին Ֆինլանդիայի անդամակցության արարողությունը կանցկացվի դաշինքի անդամ երկրների արտգործնախարարների հանդիպման շրջանակում, որը մեկնարկել է ապրիլի 4-ին Բրյուսելում։
Դաշինքի գլխավոր քարտուղար Յենս Ստոլտենբերգը հանդիպումից առաջ «պատմական» է անվանել Ֆինլանդիայի մուտքը ՆԱՏՕ։ Նա նաև նշել է, որ ՆԱՏՕ-ին երկրի անդամակցության վավերացման ընթացակարգը դարձել է ամենաարագը դաշինքի պատմության մեջ։
