Հասարակություն
04.04.2023 | 12:15
ՀՀ վարչապետ Նիկոլ Փաշինյանի որդին՝ Աշոտ Փաշինյանը, հայտարարություն է տարածել, որում հերքել է իրեն ծեծի ենթարկելու մասին տեղեկությունները․ գրում է armtimes.com-ը։
«Իմ հանդեպ որևէ քաղաքական կամ այլ բնույթի հարձակում տեղի չի ունեցել: Ցավոք, ստիպված եմ ինքս հերքել իմ մասին պտտվող ստահոդ տեղեկությունը:
Ինչ վերաբերում է «տեղեկության» տարածմանը, կարծում եմ, ամենազարմանալին այն է, թե ով ում է ցիտում: Իսկ թե ինչու, ինձ նույնիսկ հետաքրքիր էլ չէ: Լավագույն մաղթանքներս բոլորին»,- գրել է նա:
Հիշեցնենք՝ երեկ համացանցում էր տեղեկություն տարածվել այն մասին, որ հարձակման է ենթարկվել Աշոտ Փաշինյանը, ավելի ուշ այդ մասին խոսել էր նաև ՀՀ ԱԺ նախագահ Ալեն Սիմոնյանը։
ԱԺ ՔՊ խմբակցության պատգամավոր Վահագն Ալեքսանյանը, որը երեկ Նիկոլ Փաշինյանի որդու՝ Աշոտ Փաշինյանի հարձակման ենթարկվելու մասին տեղեկության բարձրաձայնողներից էր, այսօր Factor.am-ի հետ զրույցում հրաժարվեց խոսել Աշոտ Փաշինյանի հերքումից։
