16.12.2025 | 13:20
Թրամփը դատի է տվել BBC-ին` պահանջելով 5 մլրդ դոլար
Մոսկվան «Վագներ» զինված խմբավորմանը փոխարինող են փնտրում․ բրիտանական հետախուզություն
Քաղաքականություն
04.04.2023 | 13:24
Ռուսական հրամանատարությունն ուղիներ է փնտրում՝ երկրի ներսում այլընտրանքային մասնավոր ռազմական ընկերություններ ստեղծելու և զարգացնելու համար, որոնք, ի վերջո, կարող են փոխարինել «Վագներ» խմբավորմանը․ այն նշանակալի դեր է խաղում Ուկրաինայում ռազմական գործողություններում։ Այս մասին ասվում է Մեծ Բրիտանիայի հետախուզության այսօրվա զեկույցում, գրում է BBC-ի ռուսական ծառայությունը։
Ըստ զեկույցի հեղինակների՝ պատճառներից մեկը, որ Մոսկվան «Վագներին» փոխարինող է փնտրում, այն է, որ խմբավորման հիմնադիր Եվգենի Պրիգոժինը բազմիցս ուղիղ հակասության մեջ է մտել Ռուսաստանի Պաշտպանության նախարարության հետ, ինչը չափազանց զայրացնում է Ռուսաստանի ռազմական ղեկավարությանը, որը սովոր է խիստ ենթակայությանը։
Մոսկվան հույս ունի, որ այլընտրանքային մասնավոր մարտական ստորաբաժանումներն ավելի հեշտ կլինի վերահսկողության տակ պահել։
Խնդիրն այն է, որ հիմա ռուսական այլ հայտնի մասնավոր ռազմական խումբ նույնիսկ չի մոտենում «Վագներին» թվաքանակով ու ռազմական հզորությամբ։ Մնացյալում ռուսական հրամանատարության տրամաբանությունը՝ նախընտրել Ուկրաինայում կռվել վարձկանների օգնությամբ, միանգամայն հասկանալի է՝ դրանք շատ ավելի արդյունավետ են, քան սովորական բանակի զինվորները, և նրանց պահելու հիմնական ծախսերն ընկնում են մասնավոր բիզնեսի վրա։
Զեկույցում նաև նշվում է, որ Մոսկվայում իրավացիորեն կարծում են, թե խմբավորման անձնակազմի ծանր կորուստները շատ ավելի ընդունելի են ռուսական հասարակության համար և չեն առաջացնում երկրում հակապատերազմական տրամադրությունների կտրուկ աճ։
Էմմա Չոբանյան
