26.02.2026 | 11:11
Հումանիտար խնդիրներ կան Ադրբեջանի հետ, համոզված ենք, որ կլուծենք, լարվածություն չկա․ Փաշինյան․ ՏԵՍԱՆՅՈՒԹ
Ֆինլանդիան ապրիլի 4-ին կդառնա ՆԱՏՕ-ի անդամ
Քաղաքականություն
03.04.2023 | 16:58
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Ֆինլանդիան դաշինքի կազմ կընդունվի երեքշաբթի՝ ապրիլի 4-ին։ Երկրի դրոշը կբարձրացվի Բրյուսելում գտնվող կազմակերպության կենտրոնակայանում, փոխանցում է Ինտերֆաքսը։
«Վաղը մենք կողջունենք Ֆինլանդիային որպես ՆԱՏՕ-ի 31-րդ անդամ»,- ասել է Ստոլտենբերգը՝ ելույթ ունենալով Բրյուսելում։
Նրա խոսքով՝ «դա Ֆինլանդիան ավելի անվտանգ կդարձնի, իսկ դաշինքը՝ ավելի ուժեղ»։
Ստոլտենբերգը նշել է, որ երեքշաբթի ՆԱՏՕ-ին Ֆինլանդիայի անդամակցության հետ կապված բոլոր բյուրոկրատական ընթացակարգերը կավարտվեն, և Ֆինլանդիայի դրոշն առաջին անգամ կբարձրացվի դաշինքի կենտրոնակայանում։
Ավելի վաղ Հյուսիսատլանտյան դաշինքի բոլոր պետությունները վավերացրել էին Հելսինկիի դիմումը։ Թուրքիան և Հունգարիան վերջինն են դա արել։
ՆԱՏՕ-ի անդամ երկրները 2022 թվականի հուլիսի 5-ին ստորագրել են Ֆինլանդիայի և Շվեդիայի՝ Հյուսիսատլանտյան դաշինքին միանալու արձանագրությունները։
Տաթև Ֆռանգյան
