16.12.2025 | 23:08
Վթար Իջևան-Երևան ավտոճանապարհին․ կան տուժածներ
Չավուշօղլուն հայտնել է ապրիլի 3-4-ը Մոսկվայում Թուրքիայի, ՌԴ-ի, Իրանի և Սիրիայի ԱԳ փոխնախարարների հանդիպման մասին
Քաղաքականություն
03.04.2023 | 16:17
Սիրիական հարցով քառակողմ հանդիպումը Թուրքիայի, ՌԴ-ի, Իրանի և Սիրիայի ԱԳ փոխնախարարների մակարդակով տեղի է ունենալու ապրիլի 3-4-ը Մոսկվայում։ Այս մասին հայտնել է Թուրքիայի ԱԳ նախարար Մևլութ Չավուշօղլուն Նյու Յորքում Թուրքական տանը լրագրողների հետ զրույցոմ, գրում է Անադոլու գործակալությունը։
Նա նշել է, որ Սիրիայի հետ երկխոսությունը սկսվել է Ռուսաստանի աջակցությամբ և մասնակցությամբ, այնուհետև գործընթացին միացել է Իրանը։
«Եգիպտոս վերջերս կատարած այցի ժամանակ մենք հայտարարեցինք փոխնախարարների մակարդակով քառակողմ հանդիպման ժամկետի հետաձգման մասին։ Հանդիպման նոր ժամկետն արդեն համաձայնեցված է։ Այն տեղի կունենա ապրիլի 3-4-ը Մոսկվայում»,- ասել է Չավուշօղլուն։
Նա նաև մեկնաբանել է ՌԴ ԱԳ նախարար Սերգեյ Լավրովի՝ ապրիլի 6-7-ը Թուրքիա կատարելիք այցի օրակարգը։ Չավուշօղլուի խոսքով՝ հնարավորություն կլինի քննարկել երկկողմ համագործակցության հարցերի լայն շրջանակ։ Նախատեսվում է քննարկել նաև տարածաշրջանային հարցեր, մասնավորապես, իրավիճակը Սիրիայում և Լիբիայում։
«Քննարկման շատ հարցեր կան։ Կդիտարկենք քաղաքական գործընթացը Սիրիայում, հացահատիկային գործարքի երկարաձգումը, փախստականների հետ կապված իրավիճակը, փետրվարի երկրաշարժերի ֆոնին սիրիացի ժողովրդին հումանիտար օգնությունը և այլն»,- ասել է Թուրքիայի ԱԳ նախարարը։
Նա նշել է, որ մարտի 30-ին ՄԱԿ-ի գլխավոր քարտուղար Անտոնիո Գուտերեշի հետ հանդիպմանը վերջինին հետաքրքրել է Թուրքիայի դիրքորոշումը որոշ հարցերի, այդ թվում՝ բանկային փոխանցումների վերաբերյալ, որոնցից բողոքում է ռուսական կողմը։
«Մենք աշխատում ենք այդ հարցերի շուրջ։ Մոսկվան «այո» է ասել հացահատիկային գործարքը 60 օրով երկարացնելուն։ 120 օրվա հարցը դեռ բաց է»,- ասել է Չավուշօղլուն։
Էմմա Չոբանյան
