24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ԱՄՆ-ում տորնադոն 32 մարդու կյանք է խլել
Քաղաքականություն
03.04.2023 | 13:05
ԱՄՆ հարավային և միջինարևմտյան նահանգներում սաստիկ փոթորկի և տորնադոյի զոհերի թիվը հասել է առնվազն 32-ի, հայտնում է Reuters-ը։
Թենեսիի ոստիկանությունը հայտնել է, որ Մեմֆիսում երկու երեխայի և մեկ մեծահասակի մահացած են գտել այն բանից հետո, երբ ուժեղ քամին տապալել է ծառերը մի քանի տների վրա: Նահանգի ևս երկու բնակիչ մահացել է ՄաքՆեյրի կոմսությունում։ Շաբաթ օրը յոթ մարդու մահվան մասին էր հաղորդվել Թենեսիում:
Ինդիանա նահանգում բնական պաշարների տեղական վարչությունը հայտնել է, որ երկու մարդ մահացել է ազգային պարկի ճամբարում: Փոթորկի հետևանքով ավելի վաղ ևս 15 մահ էր գրանցվել Արկանզասում, Իլինոյսում, Դելավերում, Միսիսիպիում և Ալաբամայում:
ԱՄՆ նախագահ Ջո Բայդենը ապրիլի 2-ին հայտարարել է Արկանզասում «խոշոր աղետի» մասին՝ կարգադրելով միջոցներ հատկացնել դաշնային բյուջեից օգնության համար։ ԱՄՆ Ազգային օդերեւութաբանական ծառայության տվյալներով՝ երկրում մարտի 31-ից ավելի քան 80 տորնադո է գրանցվել։
Տաթև Ֆռանգյան
