14.12.2025 | 16:37
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
Եվրահանձնաժողովի ղեկավարը վստահեցրել է, որ ռազմական հանցագործները պատասխանատվության կենթարկվեն
Քաղաքականություն
31.03.2023 | 22:37
Ռուսական զորքերից Բուչայի ազատագրման տարելիցի կապակցությամբ Եվրահանձնաժողովի ղեկավար Ուրսուլա ֆոն դեր Լեյենը հայտարարել է, որ այն, ինչ տեղի ունեցավ մեկ տարի առաջ Կիևի այս արվարձանում, «եզակի դեպք չէր», փոխանցում է DW-ի ռուսական ծառայությունը։
«Սառնասրտորեն իրականացված այս մահապատիժներն ավելի մեծ ծրագրի մի մասն էին՝ ուկրաինացիներին, նրանց ազգային ինքնությունը, նրանց կեցությունը ոչնչացնելու Կրեմլի ծրագրի մասն էին»,- ասել է նա:
Եվրոպացի պաշտոնյան վստահեցրել է, որ ռազմական հանցագործները պատասխանատվության կենթարկվեն։
«Մենք կշարունակենք աջակցել ջանքերին, որոնք ուղղված են ագրեսիվ հանցագործության համար Պուտինին պատասխանատվության ենթարկելուն: Այդ նպատակով մենք շարունակում ենք աջակցել հատուկ տրիբունալի ստեղծմանը, եթե անհրաժեշտ լինի: Մենք ցանկանում ենք արդարություն Ուկրաինայի և ուկրաինացիների համար»,- եզրափակել է Ուրսուլա ֆոն դեր Լեյենը:
Տաթև Ֆռանգյան
