25.11.2024 | 11:40
ՌԴ-ն ակնկալում է հասնել Հայաստանի հետ ապրանքաշրջանառության ռեկորդային ցուցանիշի՝ 14-16 միլիարդ դոլարի․ Սերգեյ Կոպիրկին
Ուկրաինան ՌԴ-ին մեղադրում է 4,390 երեխաների առևանգման մեջ
Քաղաքականություն
28.03.2023 | 22:24
Ուկրաինան պաշտոնապես ճանաչում է Ռուսաստանի կողմից 4,390 երեխաների առևանգումը, որոնք որբեր են, կիսաորբեր կամ ծնողական խնամքից զրկված։ Այս մասին հայտնել է Ուկրաինայի՝ ժամանակավորապես օկուպացված տարածքների վերաինտեգրման հարցերով նախարար Իրինա Վերեշչուկը, գրում է fakty.com.ua-ն։
Նա նշել է, որ 4,390 երեխաներ այժմ գտնվում են կա՛մ Ուկրաինայի՝ ժամանակավորապես օկուպացված տարածքներում, կա՛մ ՌԴ-ում։
Տեղեկացվել է, որ Ուկրաինան ապացույցներ է հավաքում երկրից նրանց ապօրինի դուրսբերման վերաբերյալ և դրանք կփոխանցի Միջազգային քրեական դատարան։
Վերեշչուկը հավելել է, որ ռուսներն իրենք են փաստացիորեն ընդունում ռազմական հանցագործությունները, երբ հրապարակայնորեն հայտնում են Ռուսաստանում երեխաների «որդեգրման» մասին, որոնց Ուկրաինան պահանջում է վերադարձնել։
Տաթև Ֆռանգյան
