25.11.2024 | 11:29
Մարդիկ տեղյակ չեն, որ դա ներդրում է, և գումար է ավելանում․ պատգամավորը՝ կուտակային կենսաթոշակի մասին․ ՏԵՍԱՆՅՈՒԹ
Հյուսիսային Կորեան մտադիր է կտրուկ ավելացնել միջուկային զենքի արտադրությունը
Քաղաքականություն
28.03.2023 | 21:51
Հյուսիսային Կորեայի առաջնորդ Կիմ Չեն Ընը հրահանգել է ակտիվացնել միջուկային զենքի արտադրությունը՝ դրանց պաշարները «երկրաչափական պրոգրեսիայով» ավելացնելու համար։ Այս մասին հայտնել է Հյուսիսային Կորեայի Կենտրոնական լրատվական գործակալությունը (KCNA), փոխանցում է DW-ի ռուսական ծառայությունը:
Գործակալության տեղեկությունների համաձայն՝ Կիմ Չեն Ընը ղեկավարել է երկրի զինանոց միջուկային զենքի ընդունումն ու լսել ԿԺԴՀ-ի միջուկային զենքի ինստիտուտի՝ Հյուսիսային Կորեայում զինված ուժերի միջուկային ուժերի որակական ու քանակական ամրապնդման գործում առաջընթացի մասին զեկույցը։
Նա կոչ է արել «իդեալական պատրաստվածություն» ունենալ միջուկային զենք օգտագործելու «ցանկացած ժամանակ և ցանկացած վայրում», ինչպես նաև հայտարարել է «միջուկային ուժերի շարունակական հզորացման» անհրաժեշտության մասին, որպեսզի գերազանցող հզորությունը «թշնամիներին վախ պատճառի» ու պաշտպանի երկրի իշխանություններին և ժողովրդին։
Կիմ Չեն Ընն ասել է, որ Փհենյանի միջուկային զենքն ուղղված չէ այլ երկրների դեմ, երկրի միջուկային ուժերի «թշնամին» պատերազմն է և, ընդհանրապես, միջուկային աղետը, իսկ Հյուսիսային Կորեայի իշխանությունները ձգտում են տարածաշրջանում խաղաղության և կայունության։
Տաթև Ֆռանգյան
