17.12.2025 | 14:14
«Ոչ թե աստիճան, այլ արդյունք». 2026-ից գիտնականների աշխատավարձը կախված կլինի կոնկրետ ցուցանիշներից
ԱՄՆ-ը կմնա Սիրիայում՝ չնայած Իրանի կողմից աջակցվող զինյալների հարձակումներին
Քաղաքականություն
27.03.2023 | 21:13
ԱՄՆ-ը կմնա Սիրիայում՝ չնայած Իրանի աջակցությունը վայելող զինյալների կողմից ամերիկյան զորքերի վրա վերջին հարձակումներին։ Այս մասին ասել է Սպիտակ տան Ազգային անվտանգության խորհրդի խոսնակ Ջոն Քիրբին CBS-ի Face the Nation ծրագրին տված հարցազրույցում, գրում է Gercek News-ը։
Քիրբին ասել է, որ ԱՄՆ-ն արագ արձագանքել է վերջին հարձակմանը և պատասխան հարված է հասցրել գրոհայիններին՝ հավատարիմ մնալով երկրում ԻԼԻՊ-ին հաղթելու իր առաքելությանը, չնայած շարունակվող հարձակումներին: Նա նշել է, որ ԱՄՆ-ը Սիրիայում ունի 1000-ից պակաս զինվորական, որոնք կենտրոնացած են այդ առաքելության վրա, և որ նախագահը պարտավորվել է այդ զորքերն այնտեղ պահել։
«Ահա այն, ինչը չի փոխվելու, ԻԼԻՊ-ի դեմ պայքարի առաքելությունը չի փոխվելու: Մենք պատրաստվում ենք մնալ այդ գործում»,- ասել է նա։
Հավելենք, որ անցյալ շաբաթվա սկզբին 2021 թվականից ի վեր Իրանի կողմից աջակցվող խմբավորումների կողմից 78 հարձակում է եղել ամերիկացիների դեմ: ԱՄՆ-ը նաև զգուշացրել էր Իրանին հետագա հարձակումներից՝ ասելով, որ երկիրը պատասխանատվություն կկրի ԱՄՆ անձնակազմին կամ օբյեկտներին հասցված ցանկացած վնասի համար։
Էմմա Չոբանյան
