14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Սպառնո՞ւմ է արդյոք TikTok-ն ԱՄՆ-ի անվտանգությանը․ VOA-ի անդրադարձը
Քաղաքականություն
26.03.2023 | 19:55
Տեսագրություններ փոխանցող TikTok հավելվածի ղեկավարը հինգշաբթի օրը պատասխանում էր ԱՄՆ-ի կոնգրեսականների խիստ հարցերին: Օրինակ հանրապետական ներկայացուցիչ Քեթի Ռոջերսը պնդում էր, որ «TikTok-ը հավաքում է նույնիսկ ամենաչսպասված տեղեկությունները` մարդկանց գտնվելու վայրից սկսած, մինչև նրանց կողմից մուտքագրված տվյալները: Նույնիսկ տվյալ մարդը, որը երբեք չի եղել TikTok-ում, նրա հետագծերն այնուամենայնիվ ներկառուցված են համացանցի կայքերում: Այս մասին գրում է «Ամերիկայի ձայն»-ը։
«TikTok-ը հսկում է մեզ բոլորիս, և Չինաստանի Կոմունիստական կուսակցությունը կարող է դա օգտագործել որպես գործիք՝ ամբողջ Ամերիկայում իր շահերը հմտորեն բանեցնելու համար»,-ասում է նա:
Գործադիր տնօրեն Շոու Զի Չյուն լսումների ժամանակ հայտարարեց, որ հավելվածը ազատ արտահայտվելու հարթակ է, և իր ընկերությունն աշխատում է պաշտպանել ԱՄՆ-ում և Սինգապուրում պահվող տվյալները:
«Ես ոչ մի ապացույց չունեմ այն մասին, որ Չինաստանի կառավարությունն ինչ որ կերպ մուտք ունի դեպի այդ տվյալները: Երբեք մեզ չեն խնդրել, մենք էլ ոչինչ չենք տրամադրել»,-ասել է նա։
Օրենսդիրները մտահոգված են, որ TikTok-ի մայր ընկերությունը՝ ByteDance-ը, վերահսկվում է Չինաստանի Կոմունիստական կուսակցության կողմից: Այս մասին իր մտահոգությունն է արտահայտում կոնգերսական Ֆրենք Փելոնը:
Համաշխարհային անվտանգության փորձագետները պնդում են, որ հավելվածը կարող է ազգային անվտանգության աղետ դառնալ: Համաշխարհային տեխնոլոգիական անվտանգության հանձնաժողովի համանախագահ Քիթ Քրախի խոսքերով, «TikTok-ը պետք է համարել զենքի տեսակ: Եվ եթե Չինաստանը կարողանում է օդապարիկը վերածել զենքի, կարելի է պատկերացնել, թե ինչ այն կարող է անել ԱՄՆ-ում գտնվող TikTok-ի 150 միլիոն օգտատերերի հետ»:
Չուն փորձում էր հերքել այդ պնդումները` հայտարարելով, որ ByteDance-ը չի պատկանում Չինաստանի կառավարությանը, պնդում, որ ընկերության 60 տոկոսը պատկանում է համաշխարհային ինստիտուցիոնալ ներդրողներին, 20 տոկոսը հիմնադրին, 20 տոկոսn էլ` աշխատակիցներին ամբողջ աշխարհում:
Չինաստանն իր հերթին հայտարարում է, թե ԱՄՆ-ը դեռ որևէ ապացույց չի ներկայացրել այն մասին, որ հավելվածը սպառնում է ազգային անվտանգությանը: Չինաստանի արտգործնախարարությունն էլ հայտարարում է, թե «ԱՄՆ-ը պետք է դադարեցնի ապատեղեկատվության տարածումը»:
Ասենք, որ TikTok-ը շուտով արգելվելու է ԱՄՆ-ի կառավարությանը պատկանող բոլոր սարքերից։ Սպիտակ տունը հայտարարում է, թե իրենք ուզում են կրկին համոզվել, որ ամերիկացիների ազգային անվտանգությունը պաշտպանված է:
TikTok-ի արգելքը կարող է խորապես անընդունելի լինել երիտասարդ ամերիկացիներից շատերի համար, մի բան, ինչի շուրջ օրենսդիրները պետք է լավ կողմնորոշվեն մինչեւ 2024 թվականի ընտրությունները:
