24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Գիտնականները վերծանել են Բեթհովենի ԴՆԹ-ն՝ որոշելու նրա մահվան պատճառը
Քաղաքականություն
23.03.2023 | 23:07
Քեմբրիջի համալսարանի մի խումբ գիտնականների հաջողվել է վերծանել գերմանացի կոմպոզիտոր Լյուդվիգ վան Բեթհովենի ԴՆԹ-ն, սակայն նրանք չեն կարողացել ճշգրիտ որոշել նրա վաղաժամ մահվան պատճառը, գրում է BBC-ի ռուսական ծառայությունը։
Մի խումբ հետազոտողներ Տրիստան Բեգի գլխավորությամբ վերլուծել են Բեթհովենի մազերի փնջերը, որոնք պահված են եղել մասնավոր հավաքածուներում (ընդհանուր առմամբ 8 փունջ է եղել, սակայն միայն 5-ն են ճանաչվել իսկական), և գեների հաջորդականության հիման վրա գիտնականները եկել են եզրակացության, թե ինչ հիվանդություններ է ունեցել կոմպոզիտորը։
Բեթհովենը ծնվել է Բոննում 1770 թվականին, 30 տարեկանում սկսել է կորցնել լսողությունը, իսկ 48 տարեկանում այն կորցրել է գրեթե ամբողջությամբ։ Միաժամանակ, նա շարունակել է ստեղծագործել, սակայն այլևս չի կարողացել դաշնամուր նվագել։ Կոմպոզիտորը մահացել է Վիեննայում 1827 թվականին՝ 56 տարեկանում։
Կոմպոզիտորի մահվան պատճառների մասին սկսել են վիճել նրա մահից գրեթե անմիջապես հետո, սակայն երկու դար շարունակ միանշանակ եզրակացության գալ հնարավոր չէ եղել։
Քեմբրիջի գիտնականները ևս չեն կարողացել դա անել լիարժեք վստահությամբ, բայց նրանք պարզել են, որ Բեթհովենը գենետիկ հակվածություն է ունեցել լյարդի հիվանդությունների նկատմամբ, ինչը սրվել է ալկոհոլից կախվածության պատճառով, իսկ կյանքի վերջում նա վարակվել է հեպատիտ B-ով:
Միևնույն ժամանակ, կոմպոզիտորի մազերի նմուշների գենետիկական անալիզը լույս չի սփռել նրա խլության զարգացման պատճառների վրա։
Տաթև Ֆռանգյան
