50 միլիոն դրամ՝ Քոչարյանին պատկանող «Տոյոտա Երևան»-ին. ՆԳՆ-ն նոր պայմանագիր է կնքել

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Ներքին գործերի նախարարությունը հերթական խոշոր պայմանագիրն է կնքել Ռոբերտ Քոչարյանի ընտանիքին պատկանող «Տոյոտա Երևան» ՍՊԸ-ի հետ։ Նախորդ ամիս ավտոմեքենաների պահպանման ծառայությունների մատուցման նպատակով բյուջեից մեկ անձից գնման ընթացակարգով 50 միլիոն դրամ է փոխանցվել ընկերությանը, որով ՍՊԸ-ն պարտավորվել է մինչև տարեվերջ ավտոմեքենաների նորոգման, պահեստամասերի փոխման և այլ աշխատանքներ կատարել։

Պայմանագիրը կնքվել է ՀՀ ՆԳՆ ոստիկանության պետ-ներքին գործերի նախարարի տեղակալ Արամ Հովհաննիսյանի և «Տոյոտա Երևան» ՍՊԸ գլխավոր տնօրեն Վահե Գզրարյանի միջև։ Նշենք, որ այս ընկերության 60 տոկոսը պատկանում է քոչարյանամերձ գործարար, կաշառքի քրգործով անցնող Սամվել Մայրապետյանին, իսկ 30 տոկոսը տնօրինում է Քոչարյանի որդին, 10 տոկոսը ՝ տնօրեն Գզրարյանը։

Այս պայմանագիրն առաջինը չէ, որ կնքվում է Ռոբերտ Քոչարյանի հետ փոխկապակցված ընկերության և Նիկոլ Փաշինյանին ենթակա կառույցների միջև։
Ըստ ամենայնի, սա նախորդ՝ պարեկային ծառայության համար «Տոյոտա» ավտոմեքենաների գնման մասին պայմանագրի տրամաբանական շարունակությունն է։ Դեռևս այս տարեսկզբին Նիկոլ Փաշինյանի մասնակցությամբ Արագածոտնի, Կոտայքի, Տավուշի և Գեղարքունիքի մարզերում տրվել էր ՀՀ ոստիկանության Պարեկային ծառայության մեկնարկը՝ «Տոյոտա Երևան» ՍՊԸ-ից առանց մրցույթի գնված ավտոմեքենաներով։

Միայն Արագածոտնի, Կոտայքի, Տավուշի և Գեղարքունիքի մարզերում Պարեկային ծառայություն հիմնելու համար ձեռք էր բերվել 175 ավտոմեքենա՝ ընդհանուր 3,1 միլիարդ դրամ արժեքով։ Իսկ ավելի վաղ Շիրակի և Լոռու մարզերի համար գնվել էր 140 մեքենա՝ 2,4 մլրդ դրամով։

Նախագծի քննարկման ժամանակ այն ժամանակ ՀՀ ոստիկանապետի պաշտոնը զբաղեցնող Վահե Ղազարյանը նշել էր, որ դեռևս 2022 թվականի մայիսին հայտարարվել էր մեքենաների գնման մրցույթ, հունիսի 8-ին տեղի էր ունեցել բացումը, սակայն մասնակից չլինելու պատճառով ընթացակարգը հայտարարվել էր չկայացած։

«Այնուհետև հանրահայտ ապրանքանիշերի հայաստանյան բոլոր պաշտոնական ներկայացուցիչներին կատարված հարցումով պարզվել է, որ հայտարարված տեխնիկական բնութագրով, նշված քանակով, նախատեսված ժամկետում ավտոտրանսպորտային միջոց մատակարարելու պարտավորություն կարող է ստանձնել միայն «Տոյոտա Երևան» ՍՊԸ-ն»,- ասել էր ոստիկանապետը։

Վարչապետ Նիկոլ Փաշինյանն էլ իր հերթին ընդգծել էր, որ սկզբունքորեն այս հարցը կարող էին նաև չզեկուցվող ընթացակարգով ընդունել.

«Բայց քանի որ կան զգայուն ձևակերպումներ, զգայուն վերնագրեր, նաև նախապատմություն, կարևոր համարեցի թափանցիկության սկզբունքի շրջանակում զեկուցենք և մանրամասն ներկայացնենք՝ ինչի մասին է խոսքը»,- իրավիճակը փորձել էր շտկել Փաշինյանը։ Սակայն, փաստն այն է, որ բյուջեից խոշոր գումարները փոխանցվում են քոչարյանամերձ ընկերության հաշվին՝ շատ հաճախ առանց մրցույթի՝ մեկ անձից գնման ընթացակարգով։

Նշենք, որ Ռոբերտ Քոչարյանը մեղադրվում է գործարար Սիլվա Համբարձումյանից «Տոյոտա Երևան» ՍՊԸ-ի 60 տոկոսի սեփականատեր Սամվել Մայրապետյանի օժանդակությամբ 927․000․000 ՀՀ դրամին համարժեք 3․000․000 դոլար կաշառք ստանալու համար։ Իսկ ահա ընկերության 30 տոկոսի սեփականատեր Սեդրակ Քոչարյանը մեղադրվում է առանձնապես խոշոր չափերով հարկ չվճարելը կազմակերպելու և առանձնապես խոշոր չափերով հանցավոր ճանապարհով ստացված եկամուտներն օրինականացնելու համար։

Ռոզա Վարդանյան