05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Ո՛չ, Ալիևը վստահելի գործընկեր չէ, ֆոն դեր Լեյե՛ն․ նա միայն մեկ բան է ուզում՝ վերջ տալ Հայաստանին և հայերին․ ֆրանսիացի պատգամավոր
Քաղաքականություն
20.03.2023 | 11:50
Ֆրանսիացի պատգամավոր Անն Լորանս Փեթելը թվիթերի իր էջում կիսվել է Ադրբեջանի նախագահ Իլհամ Ալիևի տեսանյութով, որտեղ ադրբեջանցի ղեկավարն ասում է․ «Մենք այսօր կանգնած ենք մեր հայրենի Ղարաբաղում՝ մեր հայրենի Զանգեզուրի հողում, և հավիտյան ապրելու ենք այստեղ»։
«Ո՛չ, Ալիևը վստահելի գործընկեր չէ, ֆոն դեր Լեյե՛ն»,- տեսանյութին կից գրել է ֆրանսիացի պատգամավորը ՝ դիմելով Եվրահանձնաժողովի ղեկավար Ուրսուլա ֆոն դեր Լեյենին։
«Եվրամիությունը չպետք է կախված լինի ավտոկրատից, որը միայն մեկ բան է ուզում՝ վերջ տալ Հայաստանին և հայերին։ ԵՄ-ն պետք է աջակցի Հայաստանին»,- գրել է Փեթելը հեշթեգով նշելով՝ #Դադարեցնել Արցախի շրջափակումը ու հիպեր-հղմամբ կոչն ուղղելով ԵԽ պատգամավոր Նատալի Լուազոյին, Եվրոպական խորհրդի նախագահ Շառլ Միշելին, ԵՄ խորհրդին ու Եվրախորհրդարանին։
Նշենք, որ Ալիևի տեսանյութին անդրադարձել է նաև ՀՀ հատուկ հանձնարարություններով դեսպան Էդմոն Մարուքյանը գրելով՝ «Էթնիկ զտումների հստակ վկայություն և Լեռնային Ղարաբաղում հազարավոր հայերի էթնիկ զտումների հեղինակի «հպարտ» լուսանկարը»։
Անահիտ Խաչատրյան
