25.11.2024 | 20:45
Ադրբեջանի թակարդն է ՀՀ-ի դեմ՝ «Արևմտյան Ադրբեջանի» թեզը հավասարեցնել Արևմտյան Հայաստանի հետ․ Արսեն Խառատյան. ՏԵՍԱՆՅՈՒԹ
Հայտնի է Միրզոյան-Լավրով հանդիպման օրակարգը
Քաղաքականություն
19.03.2023 | 20:12
Ինչպես արդեն տեղեկացրել ենք՝ մարտի 20-ին ՀՀ արտաքին գործերի նախարար Արարատ Միրզոյանն աշխատանքային այցով կգտնվի Մոսկվայում։
ՌԴ ԱԳՆ-ը հայտնել է Միրզոյան-Լավրով հանդիպման օրակարգը։
«Նախարարները նախատեսում են համալիր քննարկել հայ-ռուսական համագործակցության ներկա վիճակը և դրա զարգացման հետագա քայլերը, այդ թվում՝ Ռուսաստանի և Հայաստանի ղեկավարների 2022թ. ապրիլի 19-ի համատեղ հայտարարության դրույթների կյանքի կոչման շրջանակներում, որն ամրագրել է երկկողմ փոխգործակցության արտոնյալ դաշնակցային բնույթը և ռազմավարական ուղղվածությունը:
Արտաքին քաղաքական գերատեսչությունների ղեկավարները մանրամասն կանդրադառնան տարածաշրջանային օրակարգին՝ 2020 թվականի նոյեմբերի 9-ի, 2021 թվականի հունվարի 11-ի, նոյեմբերի 26-ի և 2022 թվականի հոկտեմբերի 31-ի բարձր մակարդակով Ռուսաստանի, Հայաստանի և Ադրբեջանի պայմանավորվածությունները կյանքի կոչելու պրիզմայով։
Կքննարկվեն ընդհանուր ինտեգրացիոն միավորումներում՝ ԱՊՀ-ում, ԵԱՏՄ-ում և ՀԱՊԿ-ում փոխգործակցության ամրապնդման հեռանկարները, ինչպես նաև գործողությունների համակարգումը տարբեր ունիվերսալ միջազգային հարթակներում, առաջին հերթին ՝ ՄԱԿ-ում:
Կկայանա երկու երկրների արտաքին գործերի նախարարությունների կողմից առաջին անգամ պատրաստված «Ռուսաստանի Դաշնություն և Հայաստանի Հանրապետություն. դաշնակցային փոխգործակցության 30 տարի» ռուս-հայկական պայմանագրերի և համաձայնագրերի եռահատոր ժողովածուի շնորհանդեսը»,- ասված է ՌԴ ԱԳՆ-ի տարածած հաղորդագրության մեջ։
