14.09.2026 | 20:30
Ադրբեջանը սարքել է եվրոպացի դիվանագետների գլխին՝ մասնակից դարձնելով իր կազմակերպած շոուին․ Էդգար Առաքելյան. ՏԵՍԱՆՅՈՒԹ
Ուկրաինայում պատերազմում տարեսկզբից զոհվել է առնվազն 1000 ռուս բանտարկյալ
Քաղաքականություն
17.03.2023 | 22:23
BBC-ի ռուսական ծառայության ու «Մեդիազոնայի» լրագրողները, ինչպես նաև կամավորների թիմը բաց աղբյուրների տվյալներով հաստատել են, որ տարեսկզբից Ուկրաինայում զոհվել է առնվազն 1000 բանտարկյալ, որոնք պետք է իրենց պատիժը կրեին ՌԴ բանտերում, գրում է Մեդուզան։
Միայն վերջին 2 շաբաթներին հայտնի է դարձել ավելի քան 400 բանտարկյալի զոհվելու մասին։ Նրանցից շատերը զոհվել են Բախմուտի համար մարտերում։ Այս մասին են վկայում մահախոսականները, որոնք ուսումնասիրել են լրագրողները։
Ընդհանուր առմամբ, հայտնի է 2092 բանտարկյալի անում, ովքեր զոհվել են Ուկրաինայում ռազմական գործողությունների ընթացքում։
Անցյալ շաբաթ լրագրողները հայտնաբերել են նոր զանգվածային գերեզմանոց, որտեղ հուղարկավորվածները, ենթադրաբար, մարտնչել են «Վագներ» ռազմական խմբավորման կազմում, 67 գերեզման էլ հայտնվել է Սվերդլովսկի մարզի Բերյոզովսկի քաղաքի մոտակայքում։
Մինչև մարտի կեսերը լրագրողները հաստատել են Ուկրաինայում պատերազմին մասնակցող, ընդհանուր առմամբ, 17, 375 ռուս զինվորի զոհվելու փաստը։ Բոլոր կորուստների մեկ երրորդը բաժին է ընկնում կամավորներին, մոբիլիզացվածներին, բանտարկյալներին ու վերջին շրջանում «Վագների» կազմում ներգրավված վարձկաններին։
Տաթև Ֆռանգյան
