«Հակաադրբեջանական արշավ»․ Բաքուն արձագանքել է Փաշինյանի հայտարարություններին

Լուրեր

21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
Բոլորը

Ադրբեջանի ԱԳՆ-ն արձագանքել է ՀՀ վարչապետ Նիկոլ Փաշինյանի՝ նախօրեին մամուլի ասուլիսում հնչեցրած հայտարարություններին։ Մասնավորապես, գերատեսչության խոսնակ Այխան Հաջիզադեն, շարունակելով սպառնալ Հայաստանին, նշել է, թե «Նիկոլ Փաշինյանի հակաադրբեջանական արշավը, ներառյալ՝ հռետորաբանությունը, որը խաթարում է խաղաղ համաձայնագրի շուրջ բանակցությունները և միջազգային միջնորդների ջանքերը, Հայաստանին լավ բան չի խոստանում»։

Նա նշել է, թե Հայաստանի տարածքից, իբր, «ադրբեջանցիներին տեղահանել են», նաև շարունակել պետական քարոզչական կեղծ թեզեր հնչեցնել։

Մարդու իրավունքների և ազատությունների առումով աշխարհում վատթարագույն դիրքերում գտնվող երկրներից մեկի ԱԳՆ խոսնակը նշել է, թե «Հայաստանը, որը ոչ մի արժեք չի տալիս մարդու իրավունքներին և ձգտում է պահպանել «էթնիկ զտումների վրա հիմնված մոնոէթնիկ պետության տիտղոսը»»։

Ի դեպ, մոնոէթնիկ պետություն լինելու մեջ որևէ արտառոց ու հանցավոր բան չկա, ինչպես տարիներ շարունակ քարոզում է Բաքվի քարոզչամեքենան, աշխարհում բազմաթիվ այդպիսի պետություններ կան, ինչպիսին է, օրինակ, G7-ի անդամ Ճապոնիան։

«Անընդունելի է, որ Հայաստանի վարչապետը կրկին փորձում է միջամտել հայազգի բնակիչների հետ երկխոսության հարցին, սադրիչ հայտարարություններ անել՝ ուղղված ղարաբաղյան տարածաշրջանի նկատմամբ Ադրբեջանի միջազգայնորեն ճանաչված ինքնիշխանության և տարածքային ամբողջականության դեմ և օգտագործել այնպիսի արտահայտություններ, ինչպիսիք են «ժողովուրդը» և «Ղարաբաղի կառավարությունը»։ Հայաստանը շահագրգռված չէ խաղաղության համաձայնագրով, քանի որ դեմ է հաշտության համաձայնագրի տեքստում Ադրբեջանի նկատմամբ տարածքային պահանջները բացառող կետերին, խրախուսում է հետագա խախտումները նույնիսկ համաձայնագրի տեքստի պատրաստման ժամանակ, թաքցնում է այդ ոչ կառուցողական մոտեցումները և առաջ քաշում այնպիսի գաղափարներ, ինչպիսիք են «միջազգային մեխանիզմներ» և «միջազգային երաշխիքային ինստիտուտ»»,- ասվում է Ադրբեջանի ԱԳՆ հաղորդագրության մեջ, որով Բաքուն ևս մեկ անգամ բացահայտում է, որ կառուցողական դիրքորոշման ցանկություն չունի։

Հայաստանում ԵՄ դիտորդական առաքելությունն ամենօրյա ռեժիմով քննադատող և ԵՄ միջնորդությամբ հանդիպումից հրաժարվող Բաքուն, փաստորեն, Հայաստանին է մեղադրում ԵՄ միջնորդական ջանքերին դեմ լինելու մեջ։

«Այն, որ Հայաստանի վարչապետը ճեպազրույցում ասաց, որ պատրաստ է ստորագրել մի նախագիծ, որտեղ միայն նշված են Հայաստանի առաջարկները և հաշվի չեն առնվում Ադրբեջանի առաջարկները, խաղաղ գործընթացի նկատմամբ անտարբերության ևս մեկ ապացույց է, և կարծում եմ՝ Հայաստանի այս ապակառուցողական գործողությունները պետք է դատապարտվեն միջազգային հանրության կողմից և կանխվեն»,- ասվում է հաղորդագրության մեջ։

Ի դեպ, Ադրբեջանի նախագահ Իլհամ Ալիևը պարբերաբար հայտարարում է, որ խաղաղության պայմանագիր Հայաստանի հետ կարող է կնքվել բացառապես Բաքվի առաջարկած հինգ սկզբունքներով։

Էմմա Չոբանյան