16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Լեհաստանը կարող է իր ՄիԳ-29 կործանիչներն Ուկրաինային փոխանցել մեկուկես ամսվա ընթացքում. Մորավեցկի
Քաղաքականություն
14.03.2023 | 21:39
Լեհաստանի վարչապետ Մատեուշ Մորավեցկին հայտարարել է, որ Վարշավան կարող է Կիևին տրամադրել խորհրդային ժամանակներից մնացած իր ՄիԳ-29 կործանիչները առաջիկա մեկուկես ամսվա ընթացքում, գրում է BBC-ի ռուսական ծառայությունը:
Ըստ լեհական մամուլի՝ Մորավեցկին այս մասին ասել է մամուլի ասուլիսում՝ պատասխանելով Լեհաստանի նախագահ Անջեյ Դուդայի՝ ՄիԳ-երի մասին վերջերս արած հայտարարությունը մեկնաբանելու խնդրանքին։ Դուդան մարտի 8-ին CNN-ին տված հարցազրույցում ասել էր, որ Լեհաստանը կարող է Ուկրաինային հանձնել շահագործումից հանված ՄիԳ-29-երը։
Ռազմական փորձագետները ենթադրում են, որ անցյալ տարի լեհերն արդեն տվել են ուկրաինացիներին մի քանի ՄիԳ-եր, հավանաբար՝ նույն կործանիչների պահեստամասերի համար, որոնք ուներ ուկրաինական բանակը:
Բաց աղբյուրների տվյալներով՝ մինչև անցյալ տարի Լեհաստանն ուներ 29 միավոր ՄիԳ-29 կործանիչ։ Նախատեսվում է, որ դրանք կփոխարինվեն հարավկորեական արտադրության նոր կործանիչներով։ Բացի այդ, Լեհաստանն արդեն շահագործում է ամերիկյան F-16 ինքնաթիռները և պատվիրել է 32 ամենաառաջադեմ F-35 բազմաֆունկցիոնալ մարտական ինքնաթիռներ ԱՄՆ-ից:
Տաթև Ֆռանգյան
