05.11.2024 | 17:27
Թբիլիսիի դատարանը 3 ամսով երկարացրել է Բաքվի կողմից հետապնդվող ադրբեջանցի ընդդիմադիր լրագրողի կալանքը
Կադիրովը մտավախություն ունի, որ կորցնում է Պուտինի բարեհաճությունը՝ Ուկրաինայում չեչենների մարտական հաջողությունների բացակայության պատճառով․ ISW
Քաղաքականություն
14.03.2023 | 23:12
Պատերազմի ուսումնասիրության ամերիկյան ինստիտուտի (ISW) այսօրվա զեկույցը վերլուծում է ՌԴ նախագահ Վլադիմիր Պուտինի և Չեչնիայի ղեկավար Ռամզան Կադիրովի երեկվա հանդիպումը, գրում է BBC-ի ռուսական ծառայությունը։
Մասնավորապես, ռազմական փորձագետները նշում են, որ Կադիրովն օգտագործել է այդ հանդիպումը՝ Ուկրաինայում չենեն զինվորականների հաջողությունները գովաբանելու համար, որոնք, իր խոսքով, հնազանդորեն կատարում են Պուտինի հրամանները և «մտադիր են գործել մինչև վերջ»։ Ի պատասխան՝ Պուտինն ընդունել է չեչեն զինվորականների դերը և շնորհակալություն հայտնել Կադիրովին։
Միևնույն ժամանակ, փորձագետները նշում են, որ Կադիրովը նկատելիորեն նյարդայնացած է եղել հանդիպման ժամանակ, ինչը կարող է վկայել այն մասին, որ նա զգալի ճնշման տակ է եղել Չեչնիան, իրեն և իր զորքերը դրական ու արդյունավետ կերպով ներկայացնելու համար։ Զեկույցում նշվում է, որ չեչենական զորքերը ներկայում նվազագույն դեր են խաղում Ուկրաինայի ճակատում և հիմնականում հարձակողական գործողություններ են իրականացնում Լուգանսկի մարզի Բելոգորովկայի շրջանում, կատարում են օրենքի և կարգուկանոնի պահպանողի դեր Ուկրաինայի օկուպացված շրջաններում։
Սրանից ռազմական փորձագետները եզրակացնում են, որ Կադիրովը վախենում է կորցնել Պուտինի բարեհաճությունը, քանի որ ռազմական հաջողությունների առումով գործնականում ցույց տալու ոչինչ չունի։ Այս հանդիպման օգնությամբ նա, հավանաբար, հույս ուներ բարելավել ու ամրապնդել իր հեղինակությունը։
Ըստ զեկույցի՝ Պուտինն իր հերթին հույս ունի Կադիրովի վրա ճնշում գործադրել՝ ստիպելով նրան բարձրացնել չեչենական ուժերի դերը մարտերում, քանի որ Ուկրաինայում շարունակում են կորուստներ կրել ինչպես «Վագների» զինված խմբավորումը, այնպես էլ ռուսական բանակը։
Էմմա Չոբանյան
