26.07.2026 | 12:45
Արաղչին և Կալլասը հեռախոսազրույցում քննարկել են տարածաշրջանային և միջազգային զարգացումները
Թուրքիայում կրկին երկրաշարժ է գրանցվել
Քաղաքականություն
12.03.2023 | 19:29
Թուրքիայի Քահրամանմարաշ նահանգում 4,3 մագնիտուդով երկրաշարժ է տեղի ունեցել, հաղորդում է Եվրոպական-միջերկրածովյան սեյսմոլոգիական կենտրոնը (EMSC):
Երկրաշարժը գրանցվել է տեղական ժամանակով 15.31-ին: Ստորգետնյա ցնցումների էպիկենտրոնը գտնվել է Գեքսուն քաղաքից 23 կմ հյուսիս-արևմուտք: Օջախը գտնվել է 10 կմ խորության վրա։
Հնարավոր զոհերի և ավերածությունների մասին տեղեկություններ չեն ստացվել:
Հիշեցնենք՝ փետրվարի 6-ին Թուրքիայի հարավ-արևելքում գտնվող Քահրամանմարաշ նահանգում 7,7 և 7,6 մագնիտուդով երկրաշարժեր են տեղի ունեցել: Ստորգետնյա ցնցումները, որոնց հաջորդել են հարյուրավոր հետցնցումներ, զգացվել են երկրի 10 նահանգներում և հարևան պետություններում, որոնցից ամենից շատ տուժել է Սիրիան:
