05.05.2024 | 21:52
7 ոսկի և 2 արծաթ. Հայաստանի հավաքականը ավարտեց ելույթները ուշուի ԵԱ-ում
Նոր իշխանություններն էլ են Վահրամ Բաղդասարյանին արտոնություններ տալիս. ՏԵՍԱՆՅՈՒԹ
Տնտեսություն
20.06.2018 | 19:44
ՀՀ կառավարության հունիսի 21-ի նիստում ներառվել է նախագիծ, որով հարկային արտոնություն է տրվում «ՎԱԲԱ» ՍՊ ընկերությանը:
Այս ընկերությունը ցանկանում է ներդնել հակակարկտային ցանցերի և կարկտապաշտպան ցանցերի արտադրություն:
Թեև ընկերությունը զբաղվելու է գյուղատնտեսության համար չափազանց կարևոր արտադրությամբ, սակայն այս ընկերությունը պատահական մարդու չի պատկանում:
Վանաձորում գործող «ՎԱԲԱ» ընկերության 100 տոկոս բաժնետերն է ԱԺ ՀՀԿ խմբակցության ղեկավար Վահրամ Բաղդասարյանը: Ընկերությունը հիմնադրվել է 2002 թվականին՝ Վահրամ Բաղդասարյանի անվան և ազգանվան առաջին երկու տառերի համակցությամբ:
Հայտնի անձանց հարկային արտոնություններ տալու գործելակերպը կառավարությունը ժառանգել է նախորդից: Մինչ այս, բազմիցս նման դեպքեր են եղել, երբ հարկային արտոնություններ էին ստանում նախարարների, պատգամավորների, հայտնի խոշոր գործարարների ընկերությունները: Այս կառավարությունն արդեն մեկ ամսում երկու արտոնություն է տվել ԱԺ գործարար պատգամավոր Սամվել Ալեքսանյանի ընտանիքին պատկանող ընկերությունների:
Մանրամասները՝ տեսանյութում:
