06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
Մի շարք երկրներ, այդ թվում՝ Հայաստանը, կարող են օգտագործվել որպես «տարանցիկ կետեր»՝ արգելված ապրանքները ՌԴ վերաուղղորդման համար․ ԱՄՆ վարչակազմ
Քաղաքականություն
03.03.2023 | 16:23
ԱՄՆ վարչակազմը կոչ է արել ամերիկյան բիզնեսին կիրառել պատժամիջոցները, որոնք սահմանվել են Ռուսաստանի նկատմամբ Ուկրաինայի դեմ պատերազմի համար։ Այս մասին գրում է Reuters-ը, որին վկայակոչում է DW-ի ռուսական ծառայությունը։
Համատեղ հայտարարության մեջ ԱՄՆ Արդարադատության, Առևտրի նախարարություններն ու գանձապետարանը նախազգուշացնում են, որ պատժամիջոցներին չհամապատասխանելը կարող է հանգեցնել քրեական հետապնդման կամ այլ հարկադիր գործողությունների։
Փաստաթղթում ասվում է, որ մասնավոր ընկերությունները պետք է իմանան տարբեր մարտավարությունների մասին, որոնք կարող են օգտագործվել պատժամիջոցները շրջանցելու համար, ինչպիսիք են կեղծ ընկերությունների և կեղծանունների օգտագործումը կամ պատժամիջոցների տակ գտնվող ապրանքների գաղտնի առաքումը:
Նշվում է, որ այնպիսի երկրներ, ինչպիսիք են Չինաստանը, Հայաստանը, Թուրքիան և Ուզբեկստանը կարող են օգտագործվել որպես «տարանցիկ կետեր»՝ արգելված ապրանքների ապօրինի վերաուղղարդման համար դեպի Ռուսաստան կամ Բելառուս։
«Բոլոր տեսակի ընկերությունները պետք է գործեն պատասխանատու՝ ներդնելով պատժամիջոցների խստագույն կիրառման վերահսկողություն»,- ասվում է փաստաթղթում։
Էմմա Չոբանյան
