09.10.2026 | 12:51
ՌԴ-ն զանգվածային ավիահարված է հասցրել Զապորոժիեին․ զոհեր ու վիրավորներ կան
Պուտինը Բրյանսկի շրջանում տեղի ունեցած իրադարձություններն «ահաբեկչություն» է անվանել
Քաղաքականություն
02.03.2023 | 17:34
ՌԴ նախագահ Վլադիմիր Պուտինը Բրյանսկի մարզում այսօր տեղի ունեցածն անվանել է «ահաբեկչական գործողություն»՝ հավելելով, որ Ուկրաինայից «դիվերսանտների խումբը ներխուժել է սահմանամերձ գյուղեր», գրում է BBC-ի ռուսական ծառայությունը։
Այս գործողության պատասխանատվությունը ստանձնել է «Ռուս կամավորական կորպուսը»՝ ռուսներից կազմված ռազմական կազմավորում, որը կռվում է Ուկրաինայի զինված ուժերի կողմից։ Նրանց ներկայացուցիչները մի քանի լուսանկար և տեսանյութ են տեղադրել Բրյանսկի շրջանի Լյուբեչանե գյուղի մանկաբարձական կետի մոտից։
Պուտինն ասել է, որ «դիվերսանտները դիտավորյալ կրակել են մեքենայի վրա»՝ տեսնելով, որ դրանում խաղաղ բնակիչներ ու երեխաներ են։
«Տեսնում էին, որ դա քաղաքացիական մեքենա է։ Տեսնում էին, որ այնտեղ նստած են խաղաղ բնակիչներ, երեխաներ։ Սովորական «Նիվա»։ Կրակ են բացել դրա ուղղությամբ»,- ասել է Պուտինը։
Հիշեցնենք, որ այսօր առավոտյան ռուսական Telegram ալիքներն ու իշխանամետ լրատվամիջոցները, հղում անելով անանուն աղբյուրներին, հայտնել են, որ, իբր, դիվերսանտները կրակել են դպրոցական ավտոբուսի վրա։ Արդյունքում ավտոբուսի վարորդն ու մի աղջիկ ենթադրաբար մահացել են։ Տեղի իշխանություններն այնուհետև հերքեցին այս հաղորդագրությունները՝ ասելով, որ Բրյանսկի շրջանի այդ տարածքում դպրոցներն անցել են հեռավար ուսուցման։
Տաթև Ֆռանգյան
