24.02.2026 | 17:00
Ադրբեջանական սփյուռքի կազմակերպության ղեկավարը զրկվել է Ռուսաստանի քաղաքացիությունից
Թուրքական Կարմիր մահիկը` նոր սկանդալի կենտրոնում․ այն վաճառել է նվիրաբերված ապրանքները
Քաղաքականություն
28.02.2023 | 22:30
Լրագրող Մուրադ Աղըրելը նոր աղմկահարույց բացահայտում է արել այն մասին, որ թուրքական Կարմիր մահիկը, որի գործունեությունը հարցականի տակ է դրվել երկրաշարժի երրորդ օրը վրաններ վաճառելու համար, վաճառել է նաև նվիրատվությունների միջոցով ստացած օգտագործված ապրանքները, գրում է Duvar-ը։
Կարմիր մահիկը 2019 թվականին վաճառել է մեկ միլիոն օգտագործված ապրանք, իսկ 2020 թվականին՝ 759,000 ապրանք՝ ըստ կազմակերպության տարեկան հաշվետվությունների։ Այն քաղաքներում ունի հատուկ արկղեր՝ օգտագործված հագուստի, խաղալիքների և այլ ապրանքների տեսքով նվիրատվություններ հավաքելու համար՝ դրանք որպես օգնություն բաժանելու նպատակով։
Ավելի վաղ բացահայտվել էր, որ Կարմիր մահիկը 46 միլիոն լիրայով վրաններ է վաճառել սոցիալական աջակցության AHBAP կազմակերպությանը՝ փետրվարի 6-ին Թուրքիայի հարավ-արևելյան տարածաշրջանում տեղի ունեցած խոշոր երկրաշարժերի երրորդ օրը:
AHBAP-ի հիմնադիր, հայտնի երգիչ Հալուք Լևենթն ասել է նաև, որ կառույցը վաճառել է ոչ միայն վրաններ, այլև սնունդ՝ երկրաշարժից տուժածներին բաժանելու համար։
Թուրքական Կարմիր մահիկի տնօրեն Քերեմ Քընըքը, սակայն, հայտարարել է, որ չի պատրաստվում հրաժարական տալ՝ չնայած հանրության շրջանում առաջացած դժգոհություններին ու բողոքի ցույցերին։
Էմմա Չոբանյան
