15.12.2025 | 13:02
Ռոստովի մարզը ենթարկվել է ԱԹՍ-ների զանգվածային հարձակման. վնասվել են էլեկտրահաղորդման գծեր և բնակելի տներ. ՏԵՍԱՆՅՈՒԹ
Իլոն Մասկը կրկին աշխարհի ամենահարուստ մարդն է դարձել
Քաղաքականություն
28.02.2023 | 16:59
Tesla-ի և SpaceX-ի հիմնադիր Իլոն Մասկը հերթական անգամ գլխավորել է մոլորակի ամենահարուստ մարդկանց վարկանիշային աղյուսակը՝ ըստ Bloomberg-ի։
Մասկի կարողությունը, ըստ գործակալության, փետրվարի 28-ին Tesla-ի բաժնետոմսերի աճի ֆոնին ավելացել է՝ հասնելով 187,1 միլիարդ դոլարի։ Էլեկտրական մեքենաներ արտադրող ընկերությունը հունվարի 6-ի իր նվազագույն ցուցանիշից աճել է 70 տոկոսով՝ մինչև 207,63 դոլար մեկ բաժնետոմսի համար:
Twitter-ի սեփականատեր Իլոն Մասկի անձնական կարողությունը, ըստ Bloomberg-ի, գերազանցել է Louis Vuitton Moët Hennessy ընկերությունների խմբի ղեկավար Բեռնարդ Առնոյի հարստությունը, որը վերջին երկու ամիսների ընթացքում առաջատար էր ցուցակում։ Bloomberg-ն Առնոյի ունեցվածքը գնահատում է 185,3 մլրդ դոլար։
Միաժամանակ, ըստ Forbes-ի ցուցակի, որը դասակարգում է միլիարդատերերին իրական ժամանակում, Բեռնար Առնոն առաջին հորիզոնականում է (206,3 միլիարդ դոլար), որին հաջորդում է Իլոն Մասկը (197,7 միլիարդ դոլար):
Տաթև Ֆռանգյան
