29.11.2024 | 22:30
Սերբիան սկսել է ռմբապաստարաններ պատրաստել միջուկային պատերազմի հնարավոր վտանգի պատճառով
Վրաստանից մոտ 29 հազար հայց է ներկայացվել ԵՄ և Շենգենյան գոտու երկրներում ապաստանելու համար
Քաղաքականություն
27.02.2023 | 23:16
ԵՄ-ի և Շենգենյան գոտու անդամ երկրներում Վրաստանի քաղաքացիների կողմից ապաստան ստանալու դիմումների թիվը 2022 թվականին՝ նախորդ տարվա համեմատ, գրեթե կրկնապատկվել է և հասել 28 հազար 797-ի։ Այս մասին գրում է Aliq Media-ն։
Եվրամիության ապաստանի գործակալության (EUAA) տվյալների համաձայն՝ Վրաստանն ընդգրկված է այն երկրների առաջին տասնյակում, որտեղից ամենաշատն են ԵՄ-ից ապաստան խնդրում։ 2022 թվականին Վրաստանից ավելի շատ մարդ է ապաստան խնդրել ԵՄ-ում, քան պատերազմից տուժած Ուկրաինայից (28 հազար 318 դիմում):
Եվրամիության և Շենգենյան գոտու երկրներում ապաստան հայցող Վրաստանի քաղաքացիների թիվը` ըստ տարիների.
2016՝ 8 775,
2017՝ 12 հազար 060,
2018՝ 20 հազար 950,
2019՝ 22 հազար 765,
2020՝ 8 905,
2021՝ 14 հազար 970,
2022՝ 28 հազար 797:
