26.02.2026 | 21:37
Իսրայելը և Հնդկաստանը ստորագրել են 16 հուշագիր` խորացնելով ռազմավարական գործընկերությունը
G7-ի երկրները հայտարարություն են արել Ուկրաինայի վերաբերյալ
Քաղաքականություն
27.02.2023 | 16:30
Մեծ յոթնյակի (G7) երկրները հայտարարել են Կիևին դիվանագիտական, ֆինանսական և ռազմական աջակցությունն ուժեղացնելու իրենց հանձնառության մասին: Փաստաթղթի տեքստը հրապարակել է Ուկրաինայում ԵՄ պատվիրակությունը, փոխանցում է Korrespondent-ը։
Այսպիսով, G7-ի ղեկավարները Ռուսաստանին կոչ են արել «դադարեցնել շարունակվող ագրեսիան և անհապաղ, ամբողջությամբ ու անվերապահորեն դուրս բերել զորքերը Ուկրաինայի միջազգայնորեն ճանաչված ամբողջ տարածքից»։
Բացի այդ, փաստաթղթում ընդգծվում է, որ «Ռուսաստանի անպատասխանատու միջուկային հռետորաբանությունն անընդունելի է», և քիմիական, կենսաբանական, ճառագայթային կամ միջուկային զենքի ցանկացած օգտագործում «լուրջ հետևանքներ կունենա»։
«Մենք հավատարիմ ենք մնում Ուկրաինայի ռազմական և պաշտպանական տեխնիկայի հրատապ կարիքները բավարարելուն ուղղված ջանքերը համակարգելուն՝ հատուկ ուշադրություն դարձնելով հակաօդային պաշտպանության համակարգերին և միջոցներին, ինչպես նաև հիմնական զինամթերքին և տանկերին»,- ասվում է հայտարարության մեջ:
Տաթև Ֆռանգյան
