17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Բելառուսում օդանավակայանում պայթյունի հետևանքով ռուսական ինքնաթիռ է վնասվել
Քաղաքականություն
27.02.2023 | 15:13
Բելառուսի «Մաչուլիշչի» ռազմական օդանավակայանում, որը գտնվում է Մինսկից 12 կմ հեռավորության վրա, կիրակի պայթյուններ են որոտացել։ Այս մասին Telegram-ի ալիքում հայտնել է BYPOL ընդդիմադիր շարժումը՝ ստեղծված ուժային կառույցների նախկին աշխատակիցների կողմից, փոխանցում է DW-ի ռուսական ծառայությունը։
Սկզբում ակտիվիստները հայտնում էին, որ առնվազն երկու պայթյունի հետևանքով վնասվել են ռուսական ռազմատրանսպորտային ինքնաթիռ և ձյուն մաքրող մեքենաներ։ Հաղորդվել է, որ օդանավակայանի տարածքում տեղի բնակիչները նկատում են մեծ թվով զինվորական և ճանապարհային ոստիկանության բրիգադներ, որոնք ստուգում են անցնող բոլոր մեքենաները։
Պայթյունների պատճառն այն ժամանակ չի նշվել։ Ավելի ուշ, սակայն, BYPOL-ը հայտնել է, որ ռազմական օդանավակայանում դիվերսիա է իրականացվել, ինչի հետևանքով լուրջ վնաս է հասցվել ռադիոտեղորոշիչ վաղ հայտնաբերման և կառավարման ռուսական ռազմական ինքնաթիռը․ վնասվել են դրա ճակատային և կենտրոնական մասերը, ինչպես նաև ավիոնիկան և ռադարային ալեհավաքը:
Տաթև Ֆռանգյան
