25.11.2024 | 13:28
Բեռնատարն ընկել է գետը, վարորդը մահացել է
Չինաստանը ՌԴ-ի կողմն է բռնել Ուկրաինայի հարցով․ Ուրսուլա ֆոն դեր Լեյեն
Քաղաքականություն
24.02.2023 | 22:26
Եվրահանձնաժողովի ղեկավար Ուրսուլա ֆոն դեր Լեյենը հայտարարել է, որ Չինաստանի «խաղաղության ծրագիրը» պետք է դիտարկել Մոսկվայի հետ Պեկինի բարեկամության տեսանկյունից։ Այս մասին նա ասել է ՆԱՏՕ-ի պաշտպանության նախարարների հանդիպման ժամանակ։
«Սա խաղաղության պլան չէ, այլ սկզբունքներ։ Դուք դրանք պետք է դիտարկեք հատուկ ֆոնին, որ Չինաստանը բռնել է կողմ՝ ՌԴ-ի հետ ստորագրելով, օրինակ, անսահման բարեկամություն պայմանագիրը Ուկրաինա ներխուժումից անմիջապես առաջ»,- հայտարարել է ֆոն դեր Լեյենը։
Եվրահանձնաժողովի ղեկավարը նշել է, որ ԵՄ-ն կքննարկի այս փաստաթուղթը, սակայն հաշվի առնելով Չինաստանի և Ռուսաստանի միջև բարեկամական հարաբերությունների փաստը։
Հիշեցնենք, որ փետրվարի 24-ին Չինաստանը ներկայացրել է Ուկրաինայի տարածքում պատերազմը լուծելու «խաղաղության ծրագիր»։ Փաստաթուղթը որպես հիմնական կետեր նախատեսում է հրադադարի ռեժիմ և խաղաղ բանակցություններ Ուկրաինայի և Ռուսաստանի միջև։
Ի պատասխան այս նախաձեռնության՝ ԱՄՆ-ն հայտարարել է, որ Չինաստանը կարող է կանգ առնել ծրագրի առաջին կետում՝ այն է՝ հարգել բոլոր ազգերի ինքնիշխանությունը։
Ուկրաինայի նախագահի գրասենյակը նշել է, որ ցանկացած «խաղաղության ծրագիր», որը նախատեսում է հրադադար և սահմանազատման նոր գիծ, կշարունակի օկուպացիան և ռուսական ցեղասպանությունը երկրի տարածքում։
Տաթև Ֆռանգյան
