07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Կենսաթոշակային տարիքի մասով փոփոխությունը բացասաբար կարող է անդրադառնալ աշխատաշուկայի վրա․ Խզմալյան․ ՏԵՍԱՆՅՈՒԹ
Հասարակություն
24.02.2023 | 15:26
Հայաստանում գործատուն չի կարողանա աշխատողին աշխատանքից ազատել՝ կենսաթոշակային տարիքի անցնելու հիմքով. Աշխատանքային օրենսգրքից հանվում է այս հիմքով աշխատանքից ազատելու կարգավորումը: Այս մասին Հայաստանի Հանրապետության աշխատանքային օրենսգրքում փոփոխություններ և լրացումներ կատարելու մասին և հարակից օրենքների նախագծերի փաթեթի վերաբերյալ խորհրդարանական լսումների ժամանակ հայտարարեց Աշխատանքի և սոցիալական հարցերի փոխնախարար Ռուբեն Սարգսյանը։
Լսումների ժամանակ հնչեց կարծիք, որ կենսաթոշակային տարիքի մասով փոփոխությունը բացասաբար կարող է անդրադառնալ աշխատաշուկայի և տնտեսության վրա։
«Բիզնես համայնքի համար մտահոգություններ է առաջացնում Աշխատանքային օրենսգրքից կենսաթոշակային տարիքի հիմքով աշխատանքից ազատելու մասին դրույթի հանելը։
Այն ձևակերպումը, որ այսօր կա օրենսգրքում, երկու անգամ քննարկվել է ՍԴ-ում, չի խախտում մարդու իրավունքների մասով ՀՀ պարտավորությունները։
Գործատուին եթե թողնում ենք մեկ տարբերակ՝ այսինքն՝ գնահատել աշխատողի համապատասխանությունը զբաղեցրած պաշտոնին կամ կատարած աշխատանքին, ստեղծվում է բարդ իրավիճակ․․․ Եթե չկա 100 տոկոսանոց թեստ, ապա աշխատանքից ազատումը, ամենայն հավանականությամբ, կճանաչվի ոչ իրավաչափ,- նշեց Խզմալյանը։
Մանրամասները՝ տեսանյութում։
